Izraıldiń «Hezbolla» shtabyna soqqysy: Iran Ulttyq qaýipsizdik keńesiniń shuǵyl otyrysyn shaqyrdy

<p>ASTANA. KAZINFORM &ndash; Irannyń rýhanı kósemi Aıatolla Álı Hameneı óz úıinde Ulttyq qaýipsizdik joǵary keńesiniń shuǵyl otyrysyn shaqyrdy, dep habarlaıdy <a href="https://www.nytimes.com/live/2024/09/27/world/israel-lebanon-hezbollah-hamas?smid=url-share#0a4fa027-2fcf-57bb-9b70-1d581d339946" target="_blank" rel="noopener">The New York Times</a>.</p>

Derekkóz Iran bıliginiń eki ókiline silteme jasap otyr.

Olardyń málimetinshe, shaqyrýǵa Izraıldiń «Hezbolla» jetekshisi Hasan Nasrallaǵa shabýyl jasaý áreketi sebep bolǵan.

Osy arada «Hezbolladaǵy» qaýipsizdik kózderi Irannyń PressTV arnasyna Izraıldiń Beırýttiń ońtústigine jasaǵan shabýyldarynan Nasrallanyń zardap shekpegenin jáne qaýipsiz jerde ekenin málimdedi.

Lıvannyń densaýlyq saqtaý mınıstrliginiń málimetinshe, dúısenbi kúni Izraıldiń Lıvannyń ońtústigindegi «Hezbollaǵa» qarsy keń aýqymdy áýe shabýyldarynan kem degende 492 adam qaza taýyp, 1645-ten astam adam jaraqat alǵan.