Izraıldiń Gazaǵa shabýylynan 17,7 myń adam qaza tapty

<p>Izraıl armııasynyń Gaza sektoryna 7 qazanda bastaǵan soqqysy saldarynan 17 700 adam qaza tapty. Bul týraly&nbsp;<a href="https://www.aa.com.tr/ru/%d0%bc%d0%b8%d1%80/%d1%87%d0%b8%d1%81%d0%bb%d0%be-%d0%b6%d0%b5%d1%80%d1%82%d0%b2-%d0%b0%d0%b3%d1%80%d0%b5%d1%81%d1%81%d0%b8%d0%b8-%d0%b8%d0%b7%d1%80%d0%b0%d0%b8%d0%bb%d1%8f-%d0%b2-%d0%b3%d0%b0%d0%b7%d0%b5-%d0%bf%d1%80%d0%b5%d0%b2%d1%8b%d1%81%d0%b8%d0%bb%d0%be-17-700/3078363" target="_blank" rel="noopener">Anadoly agenttigi</a>&nbsp;Gaza densaýlyq mınıstrliginiń baspasóz hatshysy Ashraf al-Kýdraǵa silteme jazdy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Ajal tapqandardyń arasynda 295 medıtsına mamany, 84 tilshi bar.

Ashraf al-Kýdranyń málimetine sáıkes, palestınalyq eksklavta keıingi táýlikte 213 adam qaıtys boldy. Jaraqat alǵandar sany 48 780 adamǵa jetti.

Izraıl armııasynyń soqqysy 132 medıtsınalyq uıymnyń ǵımaratyn zaqymdady. 22 aýrýhana men 46 medortalyq jumysyn toqtatty.

Izraıl – Palestına shıelenisi

Bıylǵy 7 qazanda palestınalyq HAMAS uıymy Izraılge qarsy operatsııa bastaǵanyn málimdedi.

Gaza sektorynan Izraılge qaraı myńdaǵan raketa ushyryldy, qarýlanǵan toptar ızraldik eldi mekenderge basyp kirdi. HAMAS bul operatsııa Shyǵys Ierýsalımde okkýpatsııalanǵan Ál-Aqsa meshitine jasalǵan shabýylǵa jáne ızraıldikterdiń palestınalyqtarǵa qarsy artyp kele jatqan zorlyq-zombylyǵyna jaýap ekenin aıtty.

Óz kezeginde Izraıl HAMAS-qa qarsy jaýapty operatsııa bastap, onyń sońy Gaza sektoryndaǵy halyqty jappaı qyrýǵa ulasty. 27 qazanda Izraıl Gazaǵa qurlyqtaǵy áskerimen soqqy jasaýǵa kóshti.

Búginde Gazanyń 2,3 mln turǵyny eksklavtyń tolyq qorshaýda qalýynan azyq-túlik, sý, dári-dármek tapshylyǵynan zardap shegip otyr.

Myńdaǵan ǵımarat, sonyń ishinde aýrýhanalar, meshitter men shirkeýler zaqymdaldy nemese tolyǵymen qırady.

Soǵys bastalǵaly Izraılde qaza bolǵan adamdar sany 1200-ge jýyqtady.

HAMAS pen Izraıl arasynda 24 qarasha kúni tańerteń kúshine engen «Gýmanıtarlyq úzilik» 1 jeltoqsanda tańerteń aıaqtaldy. Osy kúnderi eki tarap tutqynǵa alynǵan ondaǵan adammen almasty.

Bitim týraly ýaqytsha kelisim aıaqtalysymen Izraıl gazaǵa qarsy shabýylyn jalǵastyrdy.