Izraıldiń Gazadaǵy turǵyn úıge jasaǵan soqqysynan 12 bala qaza tapty

<p>Izraıldiń Gaza sektorynyń ońtústigindegi Rafah qalasyndaǵy turǵyn úıge jasaǵan soqqysy nátıjesinde 12 bala men 4 áıel qaza tapty. Bul týraly&nbsp;<a href="https://edition.cnn.com/" target="_blank" rel="noopener">CNN</a>&nbsp;dárigerlerdiń málimetine silteme jasap habarlady.</p>

Onyń aıtýynsha, barlyǵy 21 adam qaza taýyp, ondaǵan adam jaralanǵan.

Buǵan deıin Al Jazeera Izraıldiń shabýyly saldarynan Rafah qalasynda kem degende 20 adamnyń qaza tapqanyn habarlaǵan.

7 qazannan beri Izraıl shabýyly saldarynan 20 400-den astam palestınalyq mert boldy. 7 qazandaǵy HAMAS soqqysynan 1139 Izraıl azamaty qaza tapty.

BUU habarlaýynsha, Gaza sektorynda eki mıllıonǵa jýyq adam azyq-túlik pen sý jetispeýinen zardap shegip otyr. Baǵalaý boıynsha, sý qorynyń 96%-i adam tutynýǵa jaramsyz. Alǵashqy qajettilik zattary, onyń ishinde aýyz sý men dári-dármek jetispeı jatyr.

Buǵan deıin Izraıl bıligi Gaza sektorynyń ońtústigindegi halyqty dereý kóshirýge buıyrǵany habarlanǵan bolatyn.

Sondaı-aq Izraıldiń Gaza sektoryna soqqylary saldarynan 7 qazannan beri 20 258 adam mert boldy, taǵy 53 688-i jaraqat alǵanyn jazǵan edik.