Izraıldiń áskerı avıatsııasy Gaza sektoryndaǵy eń úlken meshitti qıratty

<p>Palestına qaýipsizdik organdaryndaǵy derekkózderiniń habarlaýynsha, juma kúni Izraıl áskerı ushaqtary Gaza qalasyndaǵy eń kóne ári eń úlken meshitti qıratty. <a href="Kazinform." target="_blank" rel="noopener">Kazinform</a> bul týraly <a href="https://russian.news.cn/20231209/f896656283ad4b2486facfc9670a8c70/c.html" target="_blank" rel="noopener">Sınhýa</a> aqparat agenttigine silteme jasap habarlaıdy.&nbsp;</p>

«Gaza sektoryndaǵy eń úlken, eń kóne meshit sanalatyn Omardyń Úlken meshiti Izraıl áskeriniń shabýylynan keıin qırap qaldy», - dep habarlady Sınhýa aqparat kózderi.

Aýmaǵy shamamen 4 100 sharshy metrdi quraıtyn Omar meshiti 1400 jyldan astam ýaqyt buryn salynǵan. 

HAMAS Izraıldiń «Gaza qalasyndaǵy mańyzdy tarıhı eskertkishter men dinı oryndarǵa» jasaǵan shabýyldaryn aıyptap, Izraıl armııasynyń osy ýaqytqa deıin Gaza sektoryndaǵy 104 meshit pen 3 shirkeýdi qıratqanyn atap ótti.

Palestınanyń Mádenıet mınıstri Atef Ábý Seıftiń aıtýynsha, Izraıl shabýyldary Gaza qalasynyń eski kvartalynyń kóp bóligin, sonyń ishinde tarıhı ǵımarattar, meshitter, murajaılar jáne arheologııalyq oryndardyń kúl-talqanyn shyǵardy.