Izraıldikter úshin AQSh-pen vızasyz rejım kúshine endi

<p>Izraıldikter endi AQSh-qa qysqa merzimdi saparlar úshin vızasyz rejımge qol jetkize alady. Kazinform bul týraly <a href="https://www.usatoday.com/story/travel/news/2023/10/19/israel-visa-free-short-term-us-travel/71245818007/" target="_blank" rel="noopener">USA Today</a>-ge silteme jasap habarlaıdy.</p>

Beısenbide Izraıl resmı túrde AQSh-qa vızasyz kirý baǵdarlamasynyń qatysýshysy boldy. Búl vıza Izraıl azamattaryna aldymen vıza alýdy qajet etpesten AQSh-qa iskerlik nemese týrıstik maqsatta 90 kúnge deıin barýǵa múmkindik beredi.

Vızasyz kirý baǵdarlamasy shamalanǵan ýaqyttan sál erterek kúshine endi. 27 qyrkúıekte vızasyz kirý baǵdarlamasy jarııalanǵan kezde AQSh bıligi bul baǵdarlama ızraıldikter úshin 30 qarashada qoljetimdi bolatynyn aıtty.

«Izraıldiń vızasyz baǵdarlamasyna kirgeni - eki el halqy arasyndaǵy burynǵy qarym-qatynasty, ekonomıkalyq yntymaqtastyqty jáne qaýipsizdikti úılestirýdi odan ári nyǵaıta túsetin strategııalyq seriktestigimizdegi mańyzdy qadam», - dep málimdedi AQSh Memlekettik hatshysy Entonı Blınken.

Baǵdarlamaǵa qatysýǵa nıet bildirgender AQSh keden-shekara qyzmetiniń (ESTA) elektrondy júıesi (ESTA) nemese mobıldi qosymsha arqyly ótinish bere alady. Maquldaý 72 saǵatqa deıin sozylýy múmkin.

Baǵdarlamaǵa qatysý úshin Izraıl azamattary men qolastyndaǵy azamattarynda bıometrııalyq derekteri bar tólqujat bolýy kerek. Qosymsha qazirgi kezde tek aǵylshyn tilinde qoljetimdi, biraq 1 qarashada qosymsha tilderdi de qosý josparlanyp otyr.

Izraıldikter úshin vızasyz rejım engizý Taıaý Shyǵystaǵy qaqtyǵystardyń shıelenisýine baılanysty jarııalandy. Beısenbide qaza tapqan ızraıldikter men palestınalyqtardyń sany 5 myń adamnan asty.