Izraılden evakýatsııalanǵan qazaqstandyqtar Almaty áýejaıyna qonady

<p>Izraılden evakýatsııalanǵan qazaqstandyqtar mingen reıs sanaýly mınýttardan soń Almaty áýejaıyna qonady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Foto: Kazinform

Izraılden elge ushyp kele jatqan otandastarymyzdy qarsy alýshylardyń qarasy kóp. Solardyń biri Mamajanovtar otbasy. Olar ájelerin taǵatsyzdana kútip tur. Ásirese, nemereleri apalaryn qatty saǵynǵandaryn jetkizdi.

«Biz apamyzdy kútip turmyz. Ata-anam qatty ýaıymdady. Óıtkeni, Izraılde soǵys bastalyp ketti. Men apamdy kórmegeli alty jyldaı boldy»,- deıdi segiz jastaǵy Dıas.

Keshe tańǵy saǵat 8:00-de Izraıldegi qazaqstandyqtardy elge qaıtarý úshin arnaıy Air Astana ushaǵy attanǵan edi.

Buǵan deıin Ǵylym jáne joǵary bilim mınıstrligi Izraıldegi soǵys jaǵdaıyna baılanysty ondaǵy «Bolashaq» stıpendıattary elge qaıtarylatynyn málimdegen.

Aıta keteıik, Izraıldegi Qazaqstan elshisi Satybaldy Burshaqov Kazinform agenttigine bergen eksklıýzıv suhbatynda Qazaqstan azamattaryn evakýatsııalaý jumysy qalaı júrip jatqanyn baıandaǵan edi.

Eske salaıyq, 7 qazan kúni palestınalyq HAMAS toby Izraılge shabýyl jasady.

Keın Gaza sektorynan atylǵan zymyrandardyń biri Tel-Avıvtegi Ben-Gýrıon halyqaralyq áýejaıynyń mańyna túskeni belgili boldy.