Izraıldegi qazaqstandyqtardy elge ákelýge qosymsha reıs jasala ma

<p>Búgin Májilis otyrysynan keıin Izraıldegi qazaqstandyqtardy elge ákelýge qosymsha reıs qarastyrý múmkindigi sóz boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;&nbsp;</p>

«Qosymsha reıs qarastyrylmaıdy. Jalpy keshe „Tel-Avıv — Aqtaý — Almaty“ baǵyty boıynsha bir reıs jasaldy. 160 azamat keldi, borttyń múmkindigi — 180 adamǵa deıin. Elge oralǵysy keletin barlyq azamat Qazaqstan Respýblıkasynyń aýmaǵyna jetkizildi. 166 azamattyń 42-si shetel azamaty boldy», — dedi Kólik mınıstri Marat Qarabaev Májilis otyrysynan keıin BAQ ókilderiniń saýalyna jaýap bere turyp.

Sondaı-aq, mınıstr Izraılge áýe qatynasynyń ýaqytsha toqtaǵanyn aıtty.

Áýe qatynasy Izraıl aýmaǵyndaǵy jaǵdaı jaqsarǵanǵa deıin jandanbaıdy. 

Eske salaıyq, Qazaqstan Palestına-Izraıl qaqtyǵysynyń órshýine alańdaýshylyq bildirdi.