Izraıldegi «Bolashaq» stıpendıattary elge qaıtady

<p>Ǵylym jáne joǵary bilim mınıstrligi Izraıldegi soǵys jaǵdaıyna baılanysty ondaǵy &laquo;Bolashaq&raquo; stıpendıattary elge qaıtarylatynyn málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Izraılde «Bolashaq» baǵdarlamasy aıasynda Rabin Medical Center, Sheba Medical Center jáne t. b. ǵylymı ortalyqtarynda taǵylymdamadan ótetin 16 stıpendıat bolǵan. Búgin 10 qazanda Astana ýaqyty boıynsha saǵat 16:45-te"Air Astana áýekompanııasynyń reısi Tel-Avıvten Almatyǵa ushty. "Bolashaq" baǵdarlamasy boıynsha taǵylymdamadan ótken 14 qazaqstandyq azamat shuǵyl evakýatsııalandy. Ulttyq mereke kezeńinde Dýbaıǵa ushqan taǵy 2 stýdent Qazaqstanǵa jaqyn repatrıatsııalyq reıspen qaıtarylady», - dedi mınıstrliktiń baspasóz qyzmeti.

Sondaı-aq ortalyqtyń baspasóz qyzmeti olardyń oqýyn jalǵastyrý máselesin arnaıy qarastyratynyn jetkizdi.

Aıta keteıik, Izraıldegi Qazaqstan elshisi Satybaldy Burshaqov Kazinform agenttigine bergen eksklıýzıv suhbatynda Qazaqstan azamattaryn evakýatsııalaý jumysy qalaı júrip jatqanyn baıandaǵan edi.

«Qazirdiń ózinde Qazaqstannyń 150 azamatyn tizimge tirkedik. Arnaıy reıstiń ashylǵanyn tańerteń jarııalaǵandyqtan, kúndiz qońyraý shalǵan adam kóp boldy. Baǵana aıtqandaı, biz tizimdi áý bastan jasap qoıǵanbyz, kimniń qaıda ekenin aldyn ala bilip otyrdyq. Sonyń arqasynda jumys jeńil ótti», - dedi Satybaldy Burshaqov. 

Búgin tańǵy 8:00-de Air Astana ushaǵy Tel Avıvke ushyp ketken bolatyn. Qazaqstandyq stýdentter mingen ushaq elge túngi ýaqytta jetedi.