Izraılde júrgen 124 qazaqstandyq arnaıy bortpen elge jetkiziledi

<p>Izraıldegi soǵys jaǵdaıynyń órshýine baılanysty sonda júrgen 124 qazaqstandyq arnaıy repatrıatsııalyq reıspen elge jetkiziledi, dep habarlaıdy<a href="https://kaz.inform.kz/" target="_blank" rel="noopener"> Kazinform</a> agenttigi Syrtqy ister mınıstrligine silteme jasap.&nbsp;</p>

Búgin tańǵy 8:00-de Izraıldegi qazaqstandyqtardy elge qaıtarý úshin arnaıy Air Astana ushaǵy attanǵan edi.

«Búgin 10 qazanda Astana ýaqyty boıynsha saǵat 16:45-te Izraıldiń Tel-Avıv qalasynan Qazaqstanǵa repatrıatsııalyq reıs ushyp shyqty. Bortta 166 jolaýshy bar, olardyń ishinde 124 QR azamaty jáne 42 sheteldik azamat. Búgin keshke ushaq Almaty qalasyna keledi dep kútilýde», - dep jazylǵan mınıstrliktiń habarlamasynda.

Aıta keteıik, Izraıldegi Qazaqstan elshisi Satybaldy Burshaqov Kazinform agenttigine bergen eksklıýzıv suhbatynda Qazaqstan azamattaryn evakýatsııalaý jumysy qalaı júrip jatqanyn baıandaǵan edi.

«Qazirdiń ózinde Qazaqstannyń 150 azamatyn tizimge tirkedik. Arnaıy reıstiń ashylǵanyn tańerteń jarııalaǵandyqtan, kúndiz qońyraý shalǵan adam kóp boldy. Baǵana aıtqandaı, biz tizimdi áý bastan jasap qoıǵanbyz, kimniń qaıda ekenin aldyn ala bilip otyrdyq. Sonyń arqasynda jumys jeńil ótti», - dedi Satybaldy Burshaqov.