Izraıl ıemendik hýsıttermen soǵysýǵa daıyn ekenin málimdedi

<p>Eger halyqaralyq qaýymdastyq hýsıtterdiń teńiz kemelerin basyp alýyna eshqandaı reaktsııa tanytpasa, Izraıl ıemendik hýsıtterge qarsy kúresýge daıyn ekenin málimdedi. <a href="Kazinform." target="_blank" rel="noopener">Kazinform</a> bul týraly <a href="https://edition.cnn.com/2023/12/09/middleeast/israel-houthi-yemen-warning-intl-hnk/index.html" target="_blank" rel="noopener">CNN</a>-ge silteme jasap habarlaıdy.</p>

Izraıl premer-mınıstri Bınıamın Netanıahý AQSh prezıdenti Djo Baıdenmen suhbatynda ıemendik hýsıtter Qyzyl teńizde Izraılmen baılanysy bar saýda kemelerine shabýyl jasap jatqanyn aıtty. 

Izraıldiń ulttyq qaýipsizdik jónindegi keńesshisi Tsachı Hanegbı halyqaralyq qaýymdastyq hýsıtterdiń teńiz kúshteriniń shabýyldaryna jaýap bermese, Izraıldiń oǵan qarsy ózi kúresetinin jetkizdi. 

Iemendik hýsıt kóterilisshileri - 2014 jyldan beri Saýd Arabııasy qoldaıtyn koalıtsııaǵa qarsy azamattyq soǵys júrgizip kele jatqan sheıittik saıası jáne áskerı uıym. 

Eske sala ketsek, hýsıtter qarasha aıynda Qyzyl teńizdiń ońtústik bóliginde Izraılmen baılanysty júk kemesin basyp aldy. 

Keıinnen olar Aden shyǵanaǵynda fosfor qyshqylynyń júkterin tasymaldaǵan Central Park tankerin basyp aldy.