Izraıl Iemendegi munaı rezervýarlaryna áýeden soqqy jasady

<p>ASTANA. KAZINFORM &ndash; TsAHAL málimdegendeı, bul shabýyl hýsıtterdiń senbi kúni Ben-Gýrıon áýejaıyna jasaǵan soqqylaryna jaýap retinde jasalǵan. Shabýyl premer-mınıstr Bınıamın Netanıahý ushaǵy kelgen ýaqytta boldy, dep habarlaıdy <a href="https://ru.euronews.com/2024/09/30/israel-strikes-yemen" target="_blank" rel="noopener">Euronews</a>.&nbsp;</p>

Izraıl áskeri onyń ondaǵan ushaǵy Izraılge jasalǵan shabýylǵa jaýap retinde Iemendegi hýsıtter nysandaryna soqqy bergenin málimdedi. Soqqy nysany – Hodeıda portyndaǵy elektr stantsııalary men munaı tsısternalary.

Hýsıtter basqaratyn «Ál-Masıra» telearnasy órt sóndirýshilerdiń qaladaǵy úlken jalynmen kúresip jatqanyn kórsetip, keminde tórt adamnyń qaza taýyp, taǵy 33 adamnyń jaraqat alǵanyn habarlady. 

Hýsıler baqylaıtyn aqparat quraldary ızraıldik soqqylardyń Ras-Isa portyna jáne Hodeıda provıntsııasyndaǵy eki elektr stantsııasyna áser etkenin habarlady. 

Tel-Avıvte áskerıler aldynda sóılegen Izraıl qorǵanys mınıstri Ioav Gallant soqqylardyń «áserli» bolǵanyn aıtty.

«Biz soǵysty keńeıtýge, qosymsha maıdandardy izdeýge múddeli emespiz, biraq eger hýsıtter sııaqty zymyranmen jáne búkil soǵys kezinde qanatty zymyrandarmen jáne ushqyshsyz ushaqtarmen bireý Izraılge shabýyl jasasa, mundaı áreketti jasaıtyn kez kelgen adamǵa jaýap beremiz jáne biz buny qalaı jasaý kerektigin bilemiz», - dedi ol.

Óz kezeginde hýsıtter saqtyq sharalaryn qoldanyp jatqanyn jáne Izraıldiń soqqylary olardyń teńiz joldary men Izraılge shabýyldaryn toqtatpaıtynyn málimdedi.