Izraıl týrıster úshin koronavırýsqa test tapsyrý talabyn alyp tastaıdy

NUR-SULTAN. QazAqparat – Izraılge baratyn týrıster elge kirer aldynda koronavırýsqa test tapsyrmaıtyn boldy, dep habarlaıdy QazAqparat Qazaqstanda indettiń aldyn alý jónindegi vedomstvoaralyq komıssııa málimetine silteme jasap.

Izraıl 20 mamyrdan bastap elge kirer aldynda áýejaıda koronavırýsqa PTR-test tapsyrý mindetti talabyn alyp tastaıdy. Bul týraly eldiń Densaýlyq saqtaý mınıstrliginen habarlady. «Ben Gýrıon áýejaıyna qonǵan jolaýshylarǵa 2022 jyldyń 20 mamyrynan bastap PTR-testiden ótý qajet bolmaıdy», - delingen vedomstvonyń baspasóz qyzmeti habarlamasynda. Degenmen, sheteldikter elden ushar aldynda test tapsyrýǵa áli de mindetti bolady.

Microsoft negizin qalaýshy Bıll Geıts koronavırýs juqtyrdy. «COVID-19 testileýi oń nátıje kórsetti. Mende aýrýdyń jeńil sımptomdary baıqalady jáne mamandardyń keńesi boıynsha syrqattan aıyqqansha oqshaýlanýǵa týra keldi», - dep jazdy ol Twitter-paraqshasynda. Geıts tolyq vaktsınalanǵanyn jáne vaktsınanyń údetkish dozasyn alǵanyn, sondyqtan aýrý jeńil túrde ótip jatqanyn aıtty.