Izraıl táýlik ishinde Lıvannan 90 zymyran ushyrylǵanyn habarlady
12:33, 01 Qarasha 2024
<p>ASTANA. KAZINFORM – Izraıl armııasy beısenbi kúni lıvandyq «Hezbolla» uıymy sodyrlarynyń Izraılge qarsy 90-ǵa jýyq zymyran ushyrǵanyn anyqtady. Bul týraly Izraıl qorǵanys kúshteriniń (TsAHAL) baspasóz qyzmeti málimdedi, dep habarlaıdy TASS aqparat agenttigi. </p>
Málimdemede atap ótilgendeı, TsAHAL Izraıl men onyń halqyn «Hezbolladan» keletin qaýip-qaterden qorǵaýdy jalǵastyrmaq.
Buǵan deıin Lıvan premer-mınıstriniń mindetterin ýaqytsha atqarýshy Nadjıb Mıkatı Izraılmen atysty toqtatý týraly kelisim birneshe kún ishinde jarııalanady dep úmittengen. Premer málimdemesi AQSh qoldaǵan atysty toqtatý týraly usynystyń egjeı-tegjeıi ashylyp ketken kezde jasaldy.
31 qazanda Izraıldiń Beıt-Lahııaǵa jasaǵan soqqysynan 100-den astam palestınalyq qaza tapqany habarlanǵan bolatyn.