Izraıl soqqysynan Gazadaǵy 212 mektep qırady – BUU

<p>ASTANA.KAZINFORM &ndash; Izraıldiń Gaza sektoryndaǵy qarqyndy bombalaýdyń saldarynan anklav aýmaǵyndaǵy 212 mektepke &laquo;tikeleı soqqy&raquo; jasaldy. Buǵan sársenbide BUU qurylymdary men onyń seriktesteri jarııalaǵan analıtıkalyq eseptiń nátıjesi dálel, dep jazady <a href="https://russian.news.cn/20240328/e69018dbaf164c2a98c124fe0cc0fae9/c.html" target="_blank" rel="noopener">Sınhýa.</a></p>

BUU Balalar qorynyń /ıÝNISEF/, Education cluster jáne Save the Children uıymdarynyń málimetinshe, spýtnıktik sýretter 2023 jyldyń 7 qazanynda qaqtyǵys bastalǵannan beri kem degende 53 mekteptiń «tolyǵymen joıylǵanyn» kórsetti. Sonymen qatar, aqpan aıynyń ortasynan bastap mektep nysandaryna jasalǵan shabýyldar sany 9 paıyzǵa ósken.

Baıandama avtorlary «Izraıldiń áýeden, qurlyqtan jáne teńizden qarqyndy bombalaýy» saldarynan «mektep alańdaryna shabýyldardyń jıileýi» Gazadaǵy onsyz da aýyr gýmanıtarlyq jaǵdaıdy odan saıyn kúrdelendire túskenin atap ótti.

Gaza sektorynda barlyǵy 563 mektep ǵımaraty bar. Tikeleı zardap shekken 212 mekteptiń 165-i Izraıl áskeri evakýatsııalaý úshin belgilegen aýmaqtarda ornalasqan. Derekter Gaza sektorynyń ońtústigindegi Han-ıÝnıs aýdanynda 62, Deır ál-Balah aýdanynda — 14, Gaza aýdanynda — 94 jáne Soltústik Gaza aýmaǵynda 42 mekteptiń tikeleı soqqyǵa ushyraǵanyn kórsetti.

«Gazada alty aı boıy oqýshylar bilim alyp jatqan joq», — dedi BAPOR sársenbide BUU-nyń qatysýymen daıyndalǵan esep jarııalanǵannan keıin. Uıym keltirgen málimetke súıensek, ótken jyldyń 7 qazanyna deıin mektepterde 625 myńnan astam oqýshy men 22 myń muǵalim bolǵan.

Sondaı-aq baıandamada 2023 jyldyń 7 qazanynan beri 320-dan astam mektep ǵımaratyn qonys aýdarǵandar baspana retinde paıdalanǵany atap kórsetilgen. Osy nysandardyń 188-i tikeleı soqqyǵa ushyraǵan nemese qıraǵan.

Baıandama avtorlary qaqtyǵys aıaqtalǵannan keıin Gazadaǵy mektepterdiń kem degende 67 paıyzy «qyzmetin jalǵastyrýy úshin tolyq qaıta qurýdy nemese qalpyna keltirýdi qajet etedi» dedi.