Izraıl soǵysqa «biraz úzilis» jasaýǵa daıyn - Netanıahý

<p>Izraıl premer-mınıstriniń aıtýynsha, gýmanıtarlyq kómek jetkizý jáne HAMAS toby kepilge alǵandardy bosatý úshin úzilis jasalýy múmkin. Netanıahý Izraıl Gazadaǵy &laquo;jalpy qaýipsizdikti&raquo; baqylaýǵa alatynyn aıtty, dep habarlaıdy Kazinform bul týraly <a href="https://www.dw.com/ru/netanahu-izrail-gotov-k-nebolsim-pauzam-v-boevyh-dejstviah-v-sektore-gaza/a-67324004" target="_blank" rel="noopener">DW jańalyqtaryna silteme jasap.</a></p>

"Izraıl Gaza sektoryndaǵy áskerı áreketterge «shaǵyn taktıkalyq úzilis» jasaý múmkindigin qarastyrýǵa daıyn", - dep málimdedi Izraıl premer-mınıstri Bınıamın Netanıahý 7 qarashaǵa qaraǵan túni.

Netanıahý gýmanıtarlyq kómektiń jetkizilýin jeńildetý nemese HAMAS sodyrlary kepilge alynǵandardy bosatý úshin úzilis jasaýǵa bolatynyn aıtty.

Sonymen birge, Izraıl atysty toqtatýdan bas tartady jáne Izraılde, Eýroodaqta, AQSh-ta jáne basqa da birqatar elderde terrorıstik dep tanylǵan HAMAS toby basqaratyn Gaza sektorynda kepilge alynǵan adamdar bosatylmaıynsha, eshqandaı jeńildetýdi qabyldamaıtynyn málimdedi.

Netanıahý bul málimdemeni amerıkalyq ABC News telearnasynyń soǵys aıaqtalǵannan keıin Gazany kim basqarady degen suraǵyna jaýap berý kezinde jasady.

«Meniń oıymsha, Izraıl biraz ýaqytqa deıin qaýipsizdik úshin jalpy jaýapkershilikti óz moınyna alýy kerek, óıtkeni biz jaýapkershilik bolmaǵan jaǵdaıda ne bolatynyna kózimiz jetti», - dedi Netanıahý.