Izraıl Sırııanyń eki qalasyndaǵy áýejaılarǵa soqqy jasady

<p>Sırııanyń Damask jáne Aleppo qalalaryndaǵy áýejaılar jumysyn toqtatty. <a href="https://kaz.inform.kz/" target="_blank" rel="noopener">Kazinform</a> bul týraly sırııalyq <a href="https://www.al-watan.com/" target="_blank" rel="noopener">Al Watan gazetine</a> silteme jasap habarlaıdy.</p>

Basylymnyń jazýynsha, Izraıl Sırııanyń atalǵan eki qalasynyń áýejaılaryna soqqy jasaǵan. Londonda ornalasqan The Syrian Observatory for Human Rights (SOHR) monıtorıng toby Sırııanyń áýe qorǵanysy shabýylǵa toıtarys berýge tyrysqanymen, esh nátıje shyqpaǵanyn jazdy.

Jerusalem Post málimetinshe, Irannan Sırııaǵa bet alǵan ushaq Tegeranǵa qaıtýǵa májbúr bolǵan. Áýejaılarǵa shabýyl Sırııaǵa Iran Syrtqy ister mınıstri Hosseın Amırabdollahıan kelerden bir kún buryn jasalyp otyr.

Izraıl – Palestına qaqtyǵysynan qaza tapqandar sany: Izraılde – 1300 adam, Palestınada – 900 adam, taǵy 4500 adam jaraqat aldy. Iordan ózeniniń batys jaǵalaýynda 21 palestınalyq azamat qaza tapty, ondaǵan turǵyn jaralandy.

7 qazan kúni palestınalyq HAMAS toby Izraılge shabýyl jasap, el soǵys jaǵdaıyna kóshkennen keıin birqatar memleket azamattaryn Izraılden evakýatsııalaýdy uıymdastyrdy. Qazaqstan da atalǵan elde júrgen 124 qazaqstandyq úshin repatrıatsııalyq reıs uıymdastyryp, olardy elge jetkizdi.

Izraıl qorǵanys mınıstri Ioav Gallant Gaza sektory tolyq oqshaýlandyrylǵanyn málim etti. Onda jaryq, tamaq jáne otyn joq.

Áskerıler Palestına turǵyndaryna Mysyrǵa qashýdy usyndy. 11 qazan kúni Gaza sektoryndaǵy jalǵyz elektr stantsııasy otyn tapshylyǵynan jumysyn toqtatty.

Izraıl qorǵanys áskeri (TsAHAL) keshe HAMAS-qa 450-den astam soqqy jasalǵanyn málim etti. Sonymen qatar keshe Izraıl qorǵanys áskeri HAMAS qozǵalysy áskerı qanatynyń qolbasshysy Mohammed Deıftiń úıine shabýyl jasaǵany habarlandy.

Budan bólek, Izraıl qaýipsizdikke qatysty sheshimderdi qabyldaý protsesin nyǵaıtatyn tótenshe úkimet qurdy.