Izraıl polıtsııasy 20 jyl burynǵy kisi óltirý qylmysyn endi ashty

IERÝSALIM. QazAqparat – Osy aptada Izraıl bıligi Margarıta Levıdiń jumbaq ólimine baılanysty qylmystyq is 20 jyldan keıin ashylǵanyn málimdedi, dep habarlaıdy QazAqparat TPS-ke silteme jasap.

Bul Ulttyq sot medıtsınasy ınstıtýtyndaǵy zerthana dırektory, dáriger Nýrıt Bobalıl men sarapshylar toby júrgizgen DNQ synaqtarynyń nátıjesinde múmkin bolǵan.

Polıtsııa beısenbide jıyrma jyl boıy ashylmaǵan iske qatysty kúdiktiniń ustalǵanyn habarlady. Olar ıAffo qalasynyń turǵyny, 51 jastaǵy Samı Abý ál-Asalǵa aıyp taqpaq nıette.

2003 jyly 19 maýsymda Eılat qalasyndaǵy saıabaqta Ashdod qalasynyń 21 jastaǵy turǵyny Margarıta Levıdiń kórpege oralǵan denesi tabylǵan bolatyn. Qyzdy zorlap óltirgen.

Jyldar boıy tergeýshiler Levıdiń denesiniń aınalasynda tabylǵan dáleldemelerden DNQ profılin alý úshin birneshe ret áreket jasaǵanmen, nátıje bolmady, dep jazady Jerusalem Post.

DNQ alý tehnologııasynyń sońǵy jetistikteri tergeýshilerge tabylǵan dálelderdi qaıta tekserýge múmkindik berdi. Belgili bolǵandaı, qyzdy óltirgen kezde 51 jastaǵy kúdikti Eılatta bolǵan, qazir ıAffoda turady.

Polıtsııa kúdiktige qatysty 10 aılyq jasyryn tergeý júrgizip, mamyr aıynda qamaýǵa aldy.