Izraıl palestınalyqtardyń ornyna Úndistan men Ózbekstan azamattaryn jumysqa alyp jatyr

<p>ASTANA. KAZINFORM - Izraıl úkimeti 7 qazannan beri toqtatylǵan qurylys jumystaryn qaıta bastaý úshin Úndistan, Shrı-Lanka jáne Ózbekstannan 65 myń jumysshy ákeletinin málimdedi. Bul týraly <a href="https://www.reuters.com/world/middle-east/israel-bring-65000-foreign-building-workers-replace-palestinians-2024-02-04/" target="_blank" rel="noopener">Reuters</a> agenttigi habarlady.</p>

Shabýyl aldynda 72 000-ǵa jýyq palestınalyq jumysshy Izraıldegi qurylys alańdarynda jumys istegen. Úkimet qaýipsizdik máselelerine baılanysty olardy jumystan shyǵaryp, Izraılden shyǵyp ketýge májbúrlegen.

Qazirgi ýaqytta memlekette 20 myńǵa jýyq sheteldik jumysshy qaldy. Biraq jumys kúshiniń tapshylyǵyna baılanysty eldegi qurylys alańdarynyń jartysyna jýyǵy jabylǵan.

Izraıldiń Turǵyn úı mınıstrliginiń ókiliniń aıtýynsha, aldaǵy aptalarda sheteldik jumysshylardyń jańa toby keledi dep josparlanǵan. Óıtkeni úkimet paıyzdyq mólsherlemeler tómendeı bastaǵanda jyljymaıtyn múlik baǵasynyń qaıta jandaný qaýpin boldyrmaýǵa tyrysyp jatyr.