Izraıl - Palestına qaqtyǵysy: EO SІM basshylary shuǵyl keńes ótkizedi

<p>Eýropalyq odaq elderiniń Syrtqy ister mınıstrleri Izraıl &ndash; Palestına qarym-qatynasynyń ýshyǵýyna baılanysty erteń shuǵyl jıyn ótkizedi. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.aa.com.tr/ru/%d0%bc%d0%b8%d1%80/%d0%b3%d0%bb%d0%b0%d0%b2%d1%8b-%d0%bc%d0%b8%d0%b4-%d0%b5%d1%81-%d0%bf%d1%80%d0%be%d0%b2%d0%b5%d0%b4%d1%83%d1%82-%d1%8d%d0%ba%d1%81%d1%82%d1%80%d0%b5%d0%bd%d0%bd%d1%83%d1%8e-%d0%b2%d1%81%d1%82%d1%80%d0%b5%d1%87%d1%83-%d0%b8%d0%b7-%d0%b7%d0%b0-%d0%ba%d0%be%d0%bd%d1%84%d0%bb%d0%b8%d0%ba%d1%82%d0%b0-%d0%b8%d0%b7%d1%80%d0%b0%d0%b8%d0%bb%d1%8f-%d0%b8-%d0%bf%d0%b0%d0%bb%d0%b5%d1%81%d1%82%d0%b8%d0%bd%d1%8b-/3012745" target="_blank" rel="noopener">Anadolu agenttigine</a> silteme jasap habarlaıdy.</p>

Shuǵyl keńes jóninde EO dıplomatııasynyń basshysy Jozep Borrel H áleýmettik jelisinde jazdy. Degenmen ol aldaǵy kezdesý formaty qandaı bolatynyn naqtylamady.

Buǵan deıin Eýroodaq HAMAS bastaǵan operatsııa aıasynda Izraılge qoldaý bildirgen bolatyn. Borrel keńsesiniń málimdemesinde óńirde berik jáne turaqty beıbitshilikti ornatýǵa kúsh salýdyń mańyzdylyǵy atalyp ótti.

Buǵan deıin Jozep Borrel qaqtyǵysty dereý toqtatýǵa shaqyrǵan.

Palestına men Izraıl arasyndaǵy qaqtyǵys

7 qazanda HAMAS áskerı toby Izraılge qarsy operatsııa bastaǵanyn málimdedi. Gaza sektorynan Izraılge myńdaǵan zymyran ushyryldy, qarýly toptar Izraıl eldi mekenderine basyp kirdi.

Kóp uzamaı Izraıl de Gaza sektoryna ondaǵan joıǵysh ushaqtardy paıdalanyp shabýyl bastaǵanyn málim etti.

Gazadaǵy Densaýlyq saqtaý mınıstrligi Izraıl shabýyldarynan 560 adam qaza tapqanyn, onyń 91-i bala ekenin, sondaı-aq 2750 adam jaraqat alǵanyn habarlady.

Izraıldik BAQ ta 800-den astam adamnyń mert bolǵanyn, 2300-den kóp turǵyn jaralanǵanyn málimdedi.

Qazir birqatar memleket óz azamattaryn Izraılden evakýatsııalaýdy uıymdastyryp jatyr.

Búgin tańerteń Izraıl áskeriniń resmı ókili barlyq eldi meken baqylaýǵa alynǵanyn jáne Izraıl aýmaǵynda áskerı is-qımyl júrgizilip jatqan joq dep málimdedi. Degenmen Izraıl aýmaǵynda áli de HAMAS áskeri bolýy múmkin ekeni aıtylady.

Dúısenbi kúni sondaı-aq HAMAS Tel-Avıvtegi áýejaıǵa zymyran ushyrǵany belgili boldy. Izraıl qorǵanys mınıstri Ioav Gallant Gaza tolyq oqshaýlanǵanyn málim etti. Ol jaqta jaryq, tamaq jáne otyn joq.