Izraıl: Oppozıtsııa jetekshisi Bennı Gants Netanıahýdyń soǵys kabınetinen ketti

<p>ASTANA. KAZINFORM &ndash; HAMAS-pen soǵys bastalǵannan keıin tótenshe soǵys kabınetine qosylǵan ızraıldik oppozıtsııa jetekshisi Bennı Gants Gaza sektorynyń soǵystan keıingi bolashaǵyna qatysty premer-mınıstr Netanıahýmen kelispeýshilikterge baılanysty úkimetten ketetinin málimdedi. Bul týraly <a href="https://www.bbc.com/russian/articles/cm55jne4zj2o" target="_blank" rel="noopener">VVS</a> jazdy.</p>

Jeksenbide Tel-Avıvte ótken baspasóz máslıhatynda Gants bul sheshimdi «aýyr qabyldaǵanyn» aıtty.

– Ókinishke oraı, Netanıahý bizge naǵyz jeńiske jetýge kedergi jasaýda, – dedi ol.

Gants óz sózin premer-mınıstrdi kelesi jalpy saılaýdyń kúnin belgileýge shaqyrýmen aıaqtady, onyń ózi negizgi favorıtterdiń biri bolady dep kútilýde.

Netanıahýdyń reaktsııasy kóp kúttirmedi.

– Bennı, qazir naýqannan bas tartatyn ýaqyt emes, qazir kúsh biriktiretin ýaqyt, – dep jazdy premer-mınıstr burynǵy Twitter-de (qazirgi X).

Sondaı-aq ol tek ózi ǵana emes, áskerı kabınette bes orynǵa ıe «Ulttyq birlik» partııasynyń qalǵan músheleri de úkimetten ketetinin habarlady.

Bul Netanıahý úkimetiniń turaqtylyǵyna qaýip tóndirmeıdi: 120 oryndyq Knessette ońshyl jáne dinı partııalardyń basqarýshy koalıtsııasy 64 daýystyń kópshiligin saqtap qaldy.

Biraq úkimetke kelgen kezde Gants premer-mınıstrge birneshe ońshyl saıasatkerlerdiń yqpalyn teńestirdi dep esepteldi. Onyń ketýi Netanıahýdyń bedelin tómendetýi múmkin.