23:13, 09 Shilde 2025

Izraıl men HAMAS Gazadaǵy atysty toqtatý boıynsha kelisimge kele bastady

ASTANA. KAZINFORM – Palestınalyq HAMAS qozǵalysy men Izraıl bıligi gaza sektorynda atysty toqtatyp, anklavta kepildikte otyrǵan adamdardy bosatý boıynsha kelisimge kele bastady. Bul týraly Izraıl Premer-mınıstri Bınıamın Netanıahý málim etti, dep habarlaıdy reseılik TASS.

Foto: Anadoly

- Menińshe, biz kelisýge taıaýmyz, kelisimde bekitýge jaqsy múmkindik bar,-dedi ol Fox Business telearnasyna bergen suhbatynda.

2 shilde kúni AQSh prezıdenti Donald Tramp Izraıldiń 60 kúndik tatýlasýǵa keliskenin málim etti. Onyń barysynda taraptar sektordaǵy qaqtyǵysty toqtatýǵa umtylatyn bolady.

4 shilde kúni HAMAS palestınalyq toptarmen keńeskennen keıin deldaldarǵa Gaza sektorynda atysty toqtatýǵa qatysty jaǵymdy jaýap bergenin jetkizgen.

6 shilde kúni HAMAS pen Izraıl Dohada Gaza sektorynda atysty toqtatyp, anklavta kepildikte otyrǵan ızraıldik azamattardy bosatýǵa baǵyttalǵan kelissózder protsesin jańǵyrtty.

Gaza sektory Izraıl Taıaý Shyǵystaǵy ahýal Álem

Aıdar Ospanalıev

2000 jyly Ál-Farabı atyndaǵy QazMUÝ-dyń jýrnalıstıka fakýltetin bitirgen. Jýrnalıstıka salasynda 2000-shy jyldan beri qyzmet etip keledi.