Izraıl men HAMAS atysty toqtatý týraly kelisimge keldi - BAQ

<p>ASTANA. KAZINFORM &ndash; Izraıl men HAMAS Gaza sektorynda 2023 jyldyń qazan aıynan beri jalǵasyp kele jatqan soǵysty toqtatýǵa kelisti, dep habarlaıdy Kazinform Euronews-ke silteme jasap.</p>

Izraıl men HAMAS atysty toqtatý jáne kepilge alynǵandardy bosatý týraly kelisimge keldi. Bul týraly The Times of Israel AQSh pen arab sheneýnigine silteme jasaı otyryp habarlaıdy.

Aldaǵy saǵattarda resmı málimdeme jasalady dep kútilip otyr. Associated Press agenttiginiń habarlaýynsha, Katar men HAMAS ókilderi aradaǵy daýdyń sońǵy núktesi qoıylǵanyn málimdedi. Osy kelisim týraly basqa da buqaralyq aqparat quraldary habarlap jatyr.

Reuters agenttiginiń málimetinshe, kelisim atysty alty aptaǵa toqtatýdy, Izraıl áskerlerin kezeń-kezeńimen shyǵarýdy, HAMAS ustaǵan kepilderdi bosatýdy jáne Izraılde ustalǵan palestınalyq tutqyndardy bosatýdy qamtıdy.

Al Jazeera Arabic jáne Sky News telearnalarynyń dereginshe, HAMAS ókili ózderiniń jetekshileri Halıl al-Haııanyń kelisimdi Dohadaǵy deldaldar arqyly maquldaǵanyn aıtty. Izraıldik sheneýnik The Times of Israel basylymyna atysty toqtatý jáne kepilge alynǵandardy bosatý týraly kelisimge qol jetkizilgenin rastady.

AQSh-tyń jańadan saılanǵan prezıdenti Donald Tramp Truth áleýmettik jelisinde «kelisimge qol jetkizilgenin» jáne kepilge alynǵandardyń «jaqyn arada» bosatylatynyn jazdy.

Qatar Izraıl men HAMAS-qa Gaza sektoryndaǵy atysty toqtatý týraly kelisimniń sońǵy jobasyn usyndy.