Izraıl men HAMAS arasyndaǵy kelisimge ne kedergi

<p>ASTANA. KAZINFORM &ndash; Sońǵy kúnderi AQSh pen arab elderiniń deldaldary Gaza sektorynda Izraıl men palestınalyq HAMAS toby arasynda atysty toqtatý týraly kelisimge kelý talpynystarynda birshama ilgerileýshilikke qol jetkizdi, dep habarlaıdy<a href="https://www.inform.kz/ru/chto-prepyatstvuet-sdelke-mezhdu-izrailem-i-hamas-3a5bff" target="_blank" rel="noopener"> Kazinform </a>menshikti tilshisi.</p>

Alaıda bul kúsh-jiger mámile jasaý úshin áli jetkiliksiz. Kelissózshiler aldynda qandaı kedergiler tur jáne munyń Donald Tramptyń ınaýgýratsııa kúnine qandaı qatysy bar?

Halyqaralyq deldaldar – Katar, AQSh jáne Mysyr Izraıl men HAMAS toby arasynda 15 aıdan beri jalǵasyp kele jatqan qaqtyǵysta kelisimge kelýge tyrysyp otyr. Bul kelisim soǵysty toqtatýǵa jáne AQSh prezıdenti Djo Baıden qyzmetinen ketkenge deıin Gazada qalǵan kepilge alynǵandardy bosatýǵa baǵyttalǵan.

Mámileni kim tejep otyr?

AQSh prezıdenti Djo Baıden beısenbi kúni málimdegendeı, onyń ákimshiligi kepilge alynǵandardy bosatý týraly kelisimge qol jetkize alady dep oılaıdy. Degenmen HAMAS qazirgi ýaqytta kelisimge kelýge kedergi bolyp otyr.

Aq úı bir jyldan astam ýaqyt boıy HAMAS-ty Gaza sektoryndaǵy atysty toqtatý kelisimine kedergi keltirdi dep aıyptap keledi.

Izraıl osy aptada kepilge alynǵandardy qaıtarý týraly kelisimge kelýge tolyqtaı yntaly ekenin, biraq HAMAS tarapynan qarsylyqqa tap bolyp otyrǵanyn málimdedi.

Sonymen birge, Mysyr pen Katar dıplomattary, sondaı-aq Izraıl kelissózder tobynyń keıbir músheleri, tipti AQSh-tyń birneshe sheneýnigi The Times of Israel gazetine basty kedergi Izraıl premer-mınıstri Bınıamın Netanıahýdyń atysty toqtatý týraly ýaqytsha kelisimnen basqa eshteńemen kelispeýinen bas tartýy bolǵanyn habarlady. 

Vashıngton bul pikirdi ashyq aıtýdan bas tartty. Al ızraıldik kepilge alynǵandardyń týystary Izraıl úkimetiniń qalǵan kepilge alynǵandardyń úshten birin ǵana bosatýǵa ákeletin ýaqytsha kelisimge kelý áreketine narazylyǵyn bildirdi. 

Foto: x.com/ @bringhomenow

Olarmen Izraıl úkimetiniń kepilge alynǵandardy bosatý jónindegi arnaıy ókili Gel Hırsh kezdesti. 9 qańtarda ol kepilge alynǵandardyń otbasylaryna atysty ýaqytsha toqtatý - úsh kezeńdik kelisimniń birinshi bóligi ǵana ekenin jáne eki aptadan soń alty aptalyq úzilis bastalǵannan keıin tiri qalǵan kepilge alynǵandar bosatylatyn ekinshi kezeńniń sharttary boıynsha kelissózder bastalatynyn aıtty, dep habarlady Izraıldiń 12 arnasy.

Alaıda Netanıahý birinshi kezeńnen keıin áskerı áreketti qaıta bastaýǵa tyrysyp otyr, kepilge alynǵandardyń otbasylaryn óltirilgen kepilge alynǵandardyń deneleri bosatylatyn ekinshi nemese úshinshi kezeń bola ma degen suraq qatty alańdatyp otyr.

Hırsh kezdesý barysynda úkimettiń soǵysty birjola toqtatýǵa daıyn ba degen suraqqa jaýap berýden bas tartty, HAMAS-tyń kepilge alynǵan qalǵan adamdardy bosatýdyń basty sharty osy. 

Foto: t.me/ Katz_Israel

Deldaldyq áreketterge jaqyn palestınalyq sheneýnik beısenbi kúni Reuters agenttigine ázirge kelisimniń joqtyǵy kelissózder toqtap qalady degendi bildirmeıdi jáne bul búgingi tańdaǵy eń aýyr áreket ekenin aıtty.

- Qazir aýqymdy kelissózder júrgizilip jatyr. Deldaldar men kelissóz júrgizýshiler ár sózdi, ár bólshekti talqylaý ústinde. Eski kelispeýshilikterdi azaıtýda serpilis boldy, biraq áli kelisim joq, dedi ol Reuters agenttigine.

Izraıl qorǵanys armııasy Gaza sektoryna 100-den astam shabýyl jasaǵanyn jazǵan bolatynbyz.