Izraıl Lıvannyń soltústik-shyǵysynan soqqy jasady

<p>ASTANA. KAZINFORM - Izraıl áskerı-áýe kúshteriniń joıǵyshtary Lıvannyń soltústik-shyǵys bóligindegi qalalar men eldi mekenderge qarqyndy reıdter júrgizdi, dep habarlaıdy <a href="https://tass.ru/mezhdunarodnaya-panorama/22254039" target="_blank" rel="noopener">TASS </a>agenttigi.</p>

Lebanon 24 aqparat portalynyń habarlaýynsha, Baalbek pen Hermel mańyndaǵy 20 eldi mekenge, sonyń ishinde Brıtel, Dýrıs, Sarın jáne Shımstar qalalaryna áýe shabýyly jasalǵan.

Zardap shekkender týraly aqparat bar: Býdaı aýylynyń alty adamnan turatyn otbasy qaza tapqan.

Buǵan deıin Izraıl Lıvannyń ońtústigine shabýyl jasaǵan bolatyn. Lıvan Densaýlyq saqtaý mınıstrliginiń málimeti boıynsha, sońǵy táýlikte áýe shabýyldary saldarynan 38 azamat qaza taýyp, taǵy 124 adam jaralanǵan.

Eske salaıyq, Qatarda kepilge alynǵandardy aıyrbastaý jáne Gaza sektorynda bitimge kelý týraly kelissózderdiń qaıta jandanýy aıasynda Qatardaǵy Hamas saıası bıýrosynyń joǵary laýazymdy múshesi Hýsam Badran dúısenbi kúni kelisimge kelý múmkin ekenin aıtty. Onyń bul sózderi Hamasqa qarasty Shehab aqparat agenttigi taratqan qysqa habarlamada aıtylǵan.