Izraıl Lıvanǵa áýe shabýyldaryn bastady

<p>ASTANA. KAZINFORM &ndash; Izraıl avıatsııasy Lıvandaǵy Hezbolla pozıtsııalaryna birqatar áýe shabýyldaryn jasady. Bul týraly<a href="https://www.timesofisrael.com/liveblog-september-19-2024/" target="_blank" rel="noopener"> &laquo;The Times of Israel&raquo;</a> habarlady.</p>

Izraıl armııasy Lıvannyń ońtústigindegi Djıbbın eldi mekeni mańyndaǵy birneshe áskerı ınfraqurylym nysandarynda «Hezbolla» qarýly toptary músheleriniń baryn alǵa tartyp, bul nysandardy joıý úshin áýe shabýyldary jasalǵanyn málimdedi. Sonymen qatar Izraıl áýe kúshteri Lıvannyń ońtústigindegi Kafr-Kılla, Halta, Shama jáne El-Edeıse eldi mekenderiniń aınalasyndaǵy «Hızbolla» nysandaryna shabýyl jasady. Shabýyl núkteleriniń arasynda zymyrandar men áskerı ınfraqurylym nysandary bar degen boljam bar.

– Izraıl qorǵanys kúshteri soltústikte turǵyndardyń úılerine oralýyna jáne basqa barlyq áskerı maqsattarǵa jetýine múmkindik beretin qaýipsizdikti qamtamasyz etý úshin jumys istep jatyr, – delingen habarlamada.

Izraıl Lıvanmen shekarada «Hezbolla» zymyrandary men ushqyshsyz ushaqtardyń shabýylynan keıin eki sarbazynyń qaza tapqanyn habarlady.

«Hezbolla» jetekshisi Hasan Nasrýlla Izraıldiń Lıvan halqy men eldiń egemendigine qarsy soǵys jarııalaǵanyn basa aıtty.

Aıta keteıik, buǵan deıin Lıvandaǵy peıdjerler jarylysynan júzdegen «Hezbolla» múshesi jaraqat alǵan bolatyn.

Lıvan peıdjerler jarylysynda Izraıldi aıyptady.

Odan keıin Lıvanda taǵy da jarylystar bolyp, 9 adam kóz jumdy.