Izraıl kúshteri Gazanyń soltústigine qaıtyp oralmaq bolǵan palestınalyqtarǵa oq jaýdyrdy

<p>Izraıl áskeri Izraıl men HAMAS arasynda juma kúni jasasqan bitimniń alǵashqy kúninde eki palestınalyq azamatty óltirip, 11-in jaraqattady. Oqıǵa buǵan deıin Gaza sektorynyń ońtústigine evakýatsııalanǵan palestınalyqtar Izraıl áskeriniń olarǵa ornynda qalyp, Gaza sektoryndaǵy soǵys qımyldary aımaǵyna jaqyndamaýy týraly eskertýine qaramastan sektordyń soltústiginde úıleri men menshigin tekserýge áreket etkende bolǵan. <a href="Kazinform" target="_blank" rel="noopener">Kazinform</a> bul týraly <a href="https://apnews.com/" target="_blank" rel="noopener">Associated Press</a>-ke silteme jasap habarlaıdy.&nbsp;</p>

Juma kúni tańerteń Izraıl qorǵanys áskeri (TsAHAL) Gaza ústinen úndeý paraqtaryn shashyp, onda turǵyndardy sektordyń soltústigindegi úılerine qaıtyp oralmaýyn, sebebi bul aýdan áli de soǵys qımyldarynyń aımaǵy, qaıtyp kelýge tyıym salynǵanyn jáne qaýipti ekenin eskertti. 

Negizinde Izraıl áskerıleri HAMAS Gaza turǵyndaryn anklavtyń soltústik bóligine oralýǵa talpyndyrýǵa nemese ıtermeleýge tyrysady dep kútken. Osy sebepti Izraıl armııasy jınalǵandardy taratý ádisterin qoldanýǵa daıyn ekenin aıtyp, halyqty Gaza sektorynyń soltústigine qaıta oralmaýyn eskertti. 

Osyǵan qaramastan, juma kúni tańerteń Izraıl men HAMAS arasyndaǵy tórt kúndik bitim kúshine engennen keıin kýágerler júzdegen palestınalyqtardyń Gaza sektorynyń soltústigine barmaq bolǵanyn baıqady. Olardyń habarlaýynsha, Izraıl áskerleri soltústikke ótpek bolǵan adamdarǵa oq jaýdyrǵan. 

Basylymnyń taratqan dereginde, jaraqat alǵandar men qaza bolǵandardyń deneleri Gaza sektorynyń ońtústigindegi Deır-ál-Balah qalasynyń «Ál-Aksa azaptalýshylary» aýrýhanasyna jetkizildi. Jaraqat alǵandardyń aıaqtaryna oq tıgen. 

Anadoly aqparat agenttiginiń densaýlyq saqtaý kózderine silteme jasap habarlaǵan málimette, Izraıl áskerıleriniń oǵynan bir adam kóz jumaǵany jazylǵan. Jeti apta buryn palestınalyq toptyń Izraıldiń ońtústigindegi eldi mekenderge qandy shabýyl jasaýymen bastalǵan HAMAS pen Izraıl arasyndaǵy soǵystyń alǵashqy kúnderinen beri Izraıl armııasynyń buıryǵymen júzdegen myń adam anklavtyń soltústigindegi úılerin tastap ketti.