Izraıl qorǵanys mınıstri Hezbollany jeńdik dedi

<p>ASTANA. KAZINFORM &ndash; Izraıl qorǵanys mınıstri Israel Kats &laquo;Hezbollanyń&raquo; tas-talqany shyqqanyn jáne onyń kóshbasshysy Hasan Nasrallanyń kózi joıylýy basty jetistik bolǵanyn málimdedi. Bul týraly Kazinform-nyń <a href="https://www.inform.kz/ru/mi-pobedili-hezbollu-ministr-oboroni-izrailya-7c7ff8" target="_blank" rel="noopener">menshikti tilshisi</a> habarlady.</p>

Mundaı málimdeme Izraıldiń syrtqy ister mınıstrliginde, atalǵan vedomstvonyń jańa basshysy laýazymyna Gıdeon Saardyń taǵaıyndalýyna arnalǵan rásimde aıtyldy. Buǵan deıin Israel Kats eldiń syrtqy ister mınıstri bolǵan edi.

Eldegi kadrlyq aýys-túıis ótken aptada, memlekettiń burynǵy qorǵanys mınıstri Ioav Gallant qyzmetinen ketkennen keıin oryn aldy. Osylaısha, Izraıl qorǵanys mınıstri qyzmetine Israel Kats, al syrtqy ister mınıstri qyzmetine Gıdeon Saar kelgen bolatyn.

Katstyń málimdeýinshe, Izraıl «Hezbollanyń» urys alańynda jeńdi.

«Bizdiń soqqymyz «Hezbollany» talqandady, al Nasrallynyń kózin joıý – basty jetistik. Endigi bizdiń maqsatymyz – osy jeńistiń jemisin alý úshin qysym kórsetýdi jalǵastyrý», - dedi Kats saltanatty rásim barysynda.