Izraıl áskeri barlyq maıdanda áreket etýge daıyn ekenin málimdedi

<p>Izraıl áskeri el azamattarynyń qaýipsizdigin qamtamasyz etý úshin barlyq maıdanda áreket etýge daıyn ekenin atap ótti. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://tass.ru/mezhdunarodnaya-panorama/19080071" target="_blank" rel="noopener">TASS </a>agenttigine silteme jasap habarlaıdy.&nbsp;</p>

Izraıl Qorǵanys áskeri ushaqtary zymyranmen shabýylǵa jaýap retinde Lıvandaǵy sheıittik «Hezbollah» uıymynyń nysandaryna soqqy jasady. Bul týraly Izraıl qarýly kúshteri taratqan málimdemede aıtylǵan.

«Zymyran ushyryp, tankige qarsy zymyrandarmen jasalǵan shabýylǵa jaýap retinde Izraıl Qorǵanys áskeri ushaqtary keıingi birneshe saǵat ishinde «Hezbollah» lańkestik nysandaryna soqqy jasady. Sonymen qatar Izraıldiń Qorǵanys áskeri shekaraǵa jaqyn mańda ornalasqan jáne tankige qarsy zymyrandardy Izraıl jaqqa ushyratyn jerge shabýyldady», - delingen habarlamada.

Izraıl sarbazdary azamattardyń qaýipsizdigin qamtamasyz etý úshin barlyq maıdanda áreket etýge daıyn ekenin atap ótti.