Izraıl Irannyń ıadrolyq nemese munaı nysandaryna shabýyl jasamaıdy
Izraıldiń shabýyldy tek áskerı árekettermen shekteý týraly ýádesi ótken aptada AQSh prezıdenti Djo Baıden men Netanıahý arasyndaǵy telefon arqyly sóılesýde, sondaı-aq AQSh qorǵanys mınıstri Lloıd Ostın men onyń ızraıldik áriptesi Ioav Gallanttyń jaqynda bolǵan suhbatynda da aıtyldy.
Iran 1 qazanda «Hezbollanyń» bas hatshysy Hasan Nasralla óltirilgeni úshin elge 200-ge jýyq ballıstıkalyq zymyran jibergennen keıin Taıaý Shyǵys birneshe apta boıy Izraıldiń ýáde etken jaýap qaıtarý soqqysyna joǵary daıyndyqta boldy.
AQSh Izraıldiń jaýap qaıtarý josparyn tejeýge tyrysty, óıtkeni bul aımaqtaǵy basqa elderdi tartatyn aýqymdy soǵys týdyrýy múmkin.
Buǵan deıin Izraıl Irannyń munaı ınfraqurylymyna nemese ıadrolyq nysandaryna soqqy berý oıyn qaıta qarastyrady dep esepteldi. Al AQSh bul eki nusqaǵa da qarsylyq bildirdi. Óıtkeni ol soǵys qımyldarynyń kúsheıýine, sonyń ishinde Izraıldegi nemese Batyspen baılanysty basqa aımaqtardaǵy azamattyq ınfraqurylymdy nysanaǵa alǵan Irannyń kek alý áreketine ákelýi múmkin.
Izraıldiń jaýaby «AQSh saılaýyna saıası aralasýdy» boldyrmaýǵa baǵyttalady. Munaı ınfraqurylymyna shabýyl energııa baǵasynyń ósýine ákelýi múmkin. Al ıadrolyq nysanǵa soqqy berý soǵys qımyldarynyń aýqymyn keńeıtip, AQSh-tyń aralasýyna ákelýi múmkin. Bul nátıjelerdiń kez kelgenin qoldamaıtyn amerıkalyq saılaýshylar narazylyq bildirip, jappaı Demokratııalyq partııadan AQSh vıtse-prezıdenti Kamala Harrıske zııanyn tıgizip, respýblıkashyl Donald Trampty qoldaýy múmkin.
Dúısenbi kúni keshke Izraıl premer-mınıstriniń keńsesi eldiń qaýipsizdigi basqalardan joǵary ekenin málimdedi.
«Biz Amerıka úkimetiniń pikirin tyńdaımyz, biraq sońǵy sheshimdi Izraıldiń ulttyq qaýipsizdiginiń qajettilikterine qaraı qabyldaımyz», - dedi premer-mınıstr málimdemesinde.
AQSh pen Izraıl Bınıamın Netanıahý men Djo Baıdenniń sársenbi kúngi telefon arqyly sóılesýinen keıin Taıaý Shyǵystaǵy strategııalyq máselelerge qatysty ortaq pikirge kelgenin jazǵan bolatynbyz.