Izraıl Irannyń túngi shabýylǵa yqtımal jaýabyn baǵalady

<p>ASTANA. KAZINFORM &ndash; Izraıl qorǵanys kúshteri túnde ırandyq áskerı nysandarǵa áýe shabýyldaryn toqtatqanyn málimdep, Irandy qaqtyǵystyń odan ári shıelenisýi týraly eskertti. Izraıl áskerı-áýe kúshteriniń operatsııasyna &laquo;Táýbe kúnderi&raquo; ataýy berildi.</p>

Áskerılerjiń habarlaýynsha, Izraılden 1600 shaqyrym jerdegi shabýylǵa Izraıl áýe kúshteriniń ondaǵan ushaǵy, sonyń ishinde joıǵysh ushaqtar, maı quıýshy jáne barlaý ushaqtary qatysqan. 

Barlyq ushaqtar «kúrdeli» operatsııadan keıin Izraılge aman-esen oraldy. 

Izraıl qorǵanys kúshteriniń baspasóz hatshysy Danıel Hagarıdiń málimdeýinshe, Iranǵa túngi shabýyl maqsattary sátti oryndaldy. Soqqylar Irannyń ártúrli aımaqtarynda birneshe saǵat boıy birneshe tolqynmen jasaldy. 

Izraıl Qorǵanys áskeriniń sendirýinshe, bul soqqylar Irannyń áskerı nysandaryna, sonyń ishinde 1 qazan men 14 sáýirde Irannyń Izraılge tikeleı shabýyldary kezinde paıdalanylǵan áýe qorǵanysy batareıalary men ballıstıkalyq zymyran óndirisi nysandaryna jasalǵan. 

Budan bólek, áskerıler bul soqqylar Izraıl áýe kúshterine «Iran aspanynda kóbirek áreket etý erkindigin» bergenin jáne qajet bolǵan jaǵdaıda olardyń bolashaq operatsııalarda soǵýy múmkin nysanalardyń keń aýqymy bar.

Izraıl ÁÁK soqqysynan kelgen shyǵyn ýaqyt óte kele belgili bolady, dep habarlaıdy Izraıl Qorǵanys armııasy. Ol sondaı-aq Iran Izraılge jasaǵan shabýyldary úshin jaýap bergenin qosyp ótti. 

Qazirgi ýaqytta Izraıl Qorǵanys áskeri Irannyń shabýylǵa áleýetti jaýabyn baǵalaýda, biraq qazirgi sátte beıbit turǵyndarǵa qatysty erejelerge eshqandaı ózgeris engizilgen joq.