Izraıl HAMAS-pen aradaǵy bitimgershilikti qandaı jaǵdaıda uzartatynyn málimdedi

<p>Izraıl bitimgershiliktiń ár kúninde HAMAS 10 tutqynnan bosatyp otyratyn bolsa, atysty toqtatý kezeńin uzartýǵa daıyn ekenin málimdedi, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

Osy ýaqytqa deıin Izraıl túrmelerinen 117 palestınalyq tutqyn bosatyldy. Taǵy 40 adam 27 qarashada shyǵarylady dep josparlanǵan. Sonymen qatar Izraıldiń evreı memleketi men sodyrlar arasyndaǵy kelisim aıasynda túrmeden bosatylatyndar tiziminde taǵy 150-ge jýyq adam bar, dep jazady The Times of Israel gazeti.

Buǵan deıin Izraıl men HAMAS arasynda 27 qarashada bosatylatyn kepilge alynǵandar men palestınalyq tutqyndar tizimine qatysty kelispeýshilik týyndaǵany habarlanǵan bolatyn.

Izraıl men HAMAS arasyndaǵy bitimge jáne tutqyn almasýǵa arasha bolǵan Katar bul máseleni sheshýge tyrysyp jatyr.

Esterińizge sala keteıik, qazir Izraıl men HAMAS arasynda Katardyń aralasýymen qol jetkizilgen tórt kúndik bitim aıasynda tutqyn almasý isi júrip jatyr. Keshe taraptar arasyndaǵy kelisim aıasynda tutqyndardyń úshinshi legi bostandyqqa shyqty.