Izraıl Gazadaǵy operatsııasynyń qarqyndy kezeńin aıaqtady

<p>ASTANA. KAZINFORM - Izraıl armııasy Gazadaǵy operatsııanyń qarqyndy kezeńi aıaqtalǵanyn málimdedi. Sektor turǵyndarynyń 85%-y úılerin tastap ketken, dep jazady <a href="https://ru.euronews.com/2024/01/16/israel-hamas-war-latest" target="_blank" rel="noopener">Euronews</a>.</p>

Izraıl armııasynyń málimdeýinshe, onyń armııasy Gaza sektorynyń soltústik bóligin baqylaýǵa alý arqyly jerdegi qarqyndy operatsııasyn aıaqtady. Qorǵanys mınıstri Ioav Gallant áskerdiń jaqyn arada onyń ońtústik bóligin de baqylaýǵa alatynyn atap ótti.

Mınıstrdiń brıfıngisi HAMAS-tyń "kepilge alynǵan eki ızraıldik azamat Izraıldiń oq jaýdyrýy saldarynan qaza tapty" degen málimdemesinen keıin ótti. Gallant Izraıldiń Gaza sektoryndaǵy strategııasyn aqtaýdy jalǵastyrdy.

"Áskerı qysymsyz bizben eshkim sóılespeıdi jáne onsyz biz eshqandaı kelisimge kele almaımyz. Urlanǵan adamdardy tek osyndaı pozıtsııa arqyly bosatýǵa bolady», - dedi Izraıldiń Qorǵanys mınıstri Ioav Gallant.

Úkimettik emes uıym jarııalaǵan sýretterden Izraıl áskerleri shyǵarylǵannan keıin Býreıdj bosqyndar lageriniń is júzinde joıylǵany kórinip tur. BUU onyń qyzmetkerlerine Gaza sektorynyń soltústigine dári-dármek, otyn, sý jáne sanıtarlyq jabdyqtardy jetkizý úshin jeltoqsan aıynyń sońynan beri birneshe ret kirýge tyıym salynǵanyna qatysty shaǵymdanýyn jalǵastyrýda.

“Gazaǵa gýmanıtarlyq kómek aǵynyn ulǵaıtý úshin keıbir qadamdar jasalǵanymen, qutqarý kómegi aılar boıy úzdiksiz shabýyldarǵa tótep bergen adamdarǵa tipti qajetti aýqymda da jetpeı jatyr”, - dedi BUU Bas hatshysy Antonıý Gýterrısh.

Habarlanǵandaı, anklavtaǵy 2 mln-ǵa jýyq turǵynnyń 85 paıyzy úıin tastap ketýge májbúr bolǵan.