Izraıl Gaza sektorynyń halqyn 24 saǵat ishinde ketýge shaqyrdy

<p>Izraıl Gaza sektorynyń soltústigindegi turǵyndarǵa aldaǵy 24 saǵat ishinde ketýge buıryq berdi. Bul týraly BUU Bas hatshysynyń baspasóz hatshysy Stefan Dıýjarrık málim etti. Munda shamamen 1,1 mln adam týraly sóz qozǵalyp otyr. Bul - Gaza sektory halqynyń jartysy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.bbc.com/news" target="_blank" rel="noopener">VVS</a> jańalyqtaryna silteme jasap.</p>

Alaıda BUU mundaı qonys aýdarý gýmanıtarlyq zardapsyz bolmaıdy dep eseptep, buıryqtyń kúshin joıýǵa shaqyrdy.

Izraıldiń BUU-daǵy ókili Gılad Erdan BUU málimdemesin qatań synǵa aldy.

— Izraıldiń Gaza turǵyndaryna berilgen eskertýine BUU-nyń bergen jaýaby masqara! BUU jyldar boıy HAMAS-tyń Gaza sektorynyń beıbit turǵyndary men azamattyq ınfraqurylymyn qarýlandyryp, qarý-jaraq pen kisi óltirý baspanasy retinde paıdalanýyna kóz jumyp keldi. Endi ol azamattaryn HAMAS lańkesteri óltirgen jáne qatysy joq adamdarǵa tıgizetin shyǵyndy barynsha azaıtýǵa tyrysqan Izraıldi jaqtaýdyń ornyna Izraılge aqyl úıretedi, — dedi ol.

Sondaı-aq juma kúni BUU Qaýipsizdik keńesiniń shuǵyl otyrysy ótetini belgili boldy.