Izraıl Gaza sektoryndaǵy «Ál-Amal» aýrýhanasyn atqylaýda

<p>ASTANA. KAZINFORM &ndash; Izraıl qorǵanys kúshteri Gaza sektorynyń ońtústik bóligindegi Palestınanyń Han-ıÝnıs qalasyndaǵy aýrýhana men onyń aınalasyndaǵy turǵyn úılerdi tolassyz atqylaýda, dep habarlaıdy Kazinform <a href="https://tass.ru/mezhdunarodnaya-panorama/19990631" target="_blank" rel="noopener">TASS </a>agenttigine silteme jasap.</p>

Palestına Qyzyl Jarty Aı qoǵamy Izraıldiń ál-Magazı bosqyndar lagerin de atqylap jatqanyn habarlady.

Palestınanyń Qyzyl Jarty Aı Qoǵamy (PRCS) óziniń X (burynǵy Twitter) paraqshasynda Izraıldiń Han ıÝnısti atqylaýy «Ál-Amal medıtsınalyq ortalyǵynyń ǵımaraty men aýrýhananyń aınalasyna aýyr zııan keltirgenin» aıtty.

Palestına anklavynyń ortalyq bóliginde ornalasqan ál-Magazı bosqyndar lagerine de artıllerııalyq oq jaýdyrylǵany belgili boldy.

PRCS habarlaýynsha, Izraıl armııasynyń soqqysy saldarynan kem degende bir palestınalyq jaralanǵan.

2023 jyly 7 qazanda HAMAS toby Gaza sektorynan Izraılge kirgen kezde Taıaý Shyǵystaǵy jaǵdaı kúrt nasharlady. Izraıl Palestına anklavyna, Lıvanǵa jáne Sırııanyń bir bóligine qarsy shabýyldaı bastady. 1 jeltoqsanda Izraıl armııasy Gaza sektorynda soǵys qımyldaryn qaıta bastaǵanyn jarııalap, HAMASty 24 qarashadan beri kúshine engen atysty toqtatý kelisimin buzdy dep aıyptady.