Izraıldegi áskerı operatsııa kezinde 5 palestınalyq qaza tapty

AMMAN. QazAqparat – Izraıl armııasynyń sársenbi kúni Batys jaǵalaýyndaǵy birneshe qalalar men aýyldarda bastalǵan áskerı operatsııa kezinde bes palestınalyq kóz jumdy, dep habarlaıdy QazAqparat tilshisi.

Batys jaǵalaýdaǵy Djenın qalasynyń janyndaǵy Izraıl áskerı kúshterimen qaqtyǵys bolyp, eki palestınalyq qaza tapty.

Bir kún buryn Ramalla men Vıfleem mańyndaǵy Sılvadada Izraıldiń qaýipsizdik operatsııasy kezinde taǵy úsh palestınalyq qaza tapty, dep habarlaıdy WAFA palestınalyq aqparat agenttigi.

Jeke málimetter boıynsha, qaza tapqandardyń biri 20 jasta, ekinshisi 14 jasta bolǵan. Djenınde óltirilgen palestınalyqtardyń biri ótken jyly Gılboa túrmesinen qashyp, el boıynsha izdeý nátıjesinde ustalǵan tutqyndardyń biri Aıman Kamajıdiń aǵasy bolǵany habarlandy. TsAHAL (Izraıl qorǵanys kúshteri) bul operatsııa ótken aptada Tel-Avıvte bolǵan, úsh ızraıldiktiń ómirin qıǵan atys saldarynan boldy dep málimdedi.

Vıfleemge jaqyn jerde Izraıl áskerı kúshteri Ál-Hader qalasynyń meri ıAsır Sbaıhtyń úıine basyp kirip, onyń balasyn lańkestik áreketterge qatysy bar degen kúdikpen qamaýǵa aldy.

Ótken táýlikte Ierýsalım men Ramalla aımaǵynda lańkestik áreketke qatysy bar degen kúdikpen buryn sottalyp bosatylǵandar da ustaldy.