Izraılde jasóspirimderdi koronavırýsqa qarsy vaktsınalaý bastaldy

LONDON. VVS – QazAqparat – Izraılde jasóspirimderdi vaktsınalaý bastaldy, dep habarlaıdy QazAqparat VVS agenttigine silteme jasap.

Óz esepteýlerinde álem elderiniń resmı málimetterin paıdalanatyn amerıkalyq Djons Hopkıns ýnıversıtetiniń tsıfrlaryna súıensek, pandemııa kezinde 173 mıllıonǵa jýyq adam koronavırýspen aýyrǵan, 3,7 mıllıonnan astam adam qaıtys boldy, 2 mıllıardtan astam ekpe jasaldy.

Jeksenbi kúni Izraılde 12-den 15 jasqa deıingi jasóspirimderdi vaktsınalaý bastaldy. Izraılde halyqty vaktsınalaý baǵdarlamasy álemdegi eń jyldam baǵdarlamalardyń biri boldy. Qazirgi ýaqytta bul elde búkil halyqtyń jartysyna jýyǵy Pfizer nemese BioNTech vaktsınasynyń ekinshi komponentin saldyryp úlgergen.

VVS agenttigi habarlaǵandaı, Izraılde 16 jastan asqan adamdardy vaktsınalaý kampanııasy sátti ótkennen keıin koronavırýsqa qatysty barlyq shekteýler alynyp tastaldy. Sonymen qatar, indettiń taralý qarqyny ósken joq.

Álemniń basqa elderindegi balalardy vaktsınalaý málimetteri («Frans press» agenttiginiń aqparatynsha):

Estonııa jasóspirimderdi vaktsınalaýdy kúzge qaraı bastaıdy.

Frantsııa 15 maýsymnan bastap 12 jastan asqan balalarǵa Pfizer vaktsınasyn egedi.

Germanııa men Polsha jetkinshekterdi vaktsınalaýdy 7 maýsynan bastaıdy.

Ulybrıtanııa eresek balalarǵa Pfizer vaktsınasyn qoldanýdy maquldady. Biraq el bıligi olardy vaktsınalaý kampanııasyn bastaý týraly sheshim qabyldaýy kerek.

Pfizer vaktsınasy Japonııada 12 jastan asqan oqýshy balalarǵa da maquldanǵan.

12-15 jas aralyǵyndaǵy jasóspirimderdi egý AQSh-ta mamyr aıynyń ortasynan júrgizilip keledi.