Izraılde ǵaryshty zertteýdiń ulttyq ortalyǵy salynady

NUR-SULTAN. QazAqparat – Izraıl Ulttyq ǵarysh ortalyǵyn salyp, spýtnık ushyrýdy josparlap otyr, dep habarlaıdy QazAqparat tilshisi. Elde aldaǵy bes jylǵa arnalǵan jańa ǵarysh baǵdarlamasy qabyldandy, delingen «Vestı Izraıl» saıtynda.

Saıtta jaqyn arada ǵaryshqa ushyrylatyn ızraıldik «Amos-8» spýtnıginiń kompıýterlik modeliniń sýreti jarııalanǵan, sondaı-aq eldiń ǵylym jáne tehnologııalar mınıstri Orıt Farkash-Hakoenniń aldaǵy bes jyl ishinde Izraıl óziniń jańa ǵarysh baǵdarlamasyna 600 mıllıon shekel salatynyn málimdegeni týraly aıtylǵan.

«Qazir álemde geosaıası jaǵdaıǵa baılanysty ǵarysh qyzmeti belsendi damyp jatyr. Ulybrıtanııa alǵash ret óz aýmaǵynan ǵarysh kemesin ushyrýdy bastady, Ózbekstan ǵarysh salasyn damytýda, Izraıl ǵaryshty zertteýdiń ulttyq ortalyǵyn salady. Bárinen buryn maǵan Izraıldiń ǵaryshtyq baǵdarlamasynda qoıylǵan naqty mindetter unady, barlyǵy tórt tarmaq»,-dedi zymyran-ǵarysh tehnıkasy jónindegi ınjener-konstrýktor Jan Quljanov.

Izraıldiń jańa ǵarysh baǵdarlamasynyń avtorlary bul ǵaryshty zertteıtin kompanııalar sanyn eki ese arttyrýǵa kómektesedi dep otyr (búginde Izraılde olardyń sany 60-qa jýyq), al osy salada jumys isteıtinder sany tórt ese artady - 2500-den 10000-ǵa deıin.