Izraılde aqpannan beri alǵash ret bir táýlikte 6 myń adam koronavırýs juqtyrǵan

TELЬ-AVIV. QazAqparat – Dárigerler Izraılde ótken táýlikte 6275 adamnyń koronavırýs juqtyrǵanyn anyqtady. Bul týraly seısenbi kúni eldiń densaýlyq saqtaý mınıstrliginiń baspasóz qyzmeti málim etti, dep habarlaıdy QazAqparat Kan memlekettik radıosyna silteme jasap.

Bul 2021 jyldyń aqpanymen salystyrǵanda eń joǵary táýliktik kórsetkish jáne elde «delta» shtammy paıda bolǵaly jańa antırekord.

Densaýlyq saqtaý mınıstrliginiń málimetinshe, qazirgi ýaqytta 35466 adam kovıdpen aýyryp jatyr. 394 naýqas aýyr halde, 64 adam ókpeni jasandy jeldetý (ÓJJ) apparatyna qosylǵan.

Izarıl turǵyndary ótken jyldyń 20 jeltoqsanynan bastap amerıkalyq Pfizer kompanııasynyń vaktsınasyn saldyryp keledi. Izraıl densaýlyq saqtaý mınıstrliginiń deregi boıynsha, qazirgi ýaqytta 5,8 mln ızraıl birinshi dozasyn alǵan, 5,4 mln adam – ekinshi dozany ektirgen. Bul sáıkesinshe turǵyndardyń 63% jáne 58%-yn (9,3 mln) quraıdy.

30 shildede Izraılde Pfizer-diń ekinshi dozasyn 5 aı buryn saldyrǵan 60 jastan asqan turǵyndarǵa úshinshi ret ekpe egýdi bastady. Mınıstrlikten málim etkendeı, úshinshi ret vaktsınany 577 myńnan astam adam aldy.