«Izraılde 5G jelilerine tyıym salyndy» – feık

ASTANA. QazAqparat – Áleýmettik jelilerde Izraıl turǵyndary elde 5G jelisin ornalastyrýǵa qarsylyq bildirip, baǵanalardy órtep jatqany týraly aqparat tarady. Máseleni anyq-qanyǵyn Stopfake.kz anyqtap kórdi, dep habarlaıdy QazAqparat.

Anyqtalǵandaı, Izraılde 5G-ge tyıym salyndy degen qaýeset 2019 jyldyń shildesinde paıda bolǵan. Alaıda Factly-diń aǵylshyn tilindegi faktchekıng basylymy muny joqqa shyǵarǵan.

«Búgingi tańda Izraılde jeliler ornatylǵan jáne sátti jumys istep tur. Olarǵa qosylý jáne tarıfter týraly tolyq aqparat jergilikti provaıderlerdiń resmı saıttarynda bar.

Izraıl turǵyndary únemi órtep jiberetin 5G baǵanalary týraly aqparat ınternette joq. Mundaı jaǵdaı AQSh-ta jáne Eýropanyń keıbir elderinde bolǵan, biraq bul aktsııalar turaqty sıpatta bolmady.

Demek, taralǵan aqparat jalǵan jáne oǵan senbegen jón. 5G jelileri Izraılde ornatylǵan jáne sátti jumys isteıdi. Elde olardyń jumysyna eshqandaı tyıym salynǵan joq», - dep túıindeıdi Stopfake.kz.