Izraıl BUU-nyń Palestına aýmaǵyndaǵy úılestirýshisin elden shyǵarmaq

<p>Izraıldiń Syrtqy ister mınıstri Elı Koen BUU-nyń Palestına aýmaǵyndaǵy gýmanıtarlyq máseleler jónindegi úılestirýshisi Lınn Heıstıngstiń elde turý yqtııarhatyn alyp tastaıtynyn málimdedi, dep habarlaıdy Kazinform agenttigi <a href="https://www.bbc.com/news/live/world-middle-east-67605703" target="_blank" rel="noopener">BBC </a>jańalyqtaryna silteme jasap.</p>

Biz budan bylaı BUU-nyń birjaqtylyǵyna únsiz qarap otyra almaımyz! HAMAS-ty 1200 ızraıldikti qatygezdikpen óltirgeni úshin, sábıler men qarttardy urlaǵany úshin, jan túrshigerlik qorlaý men zorlaý úshin, Gaza turǵyndaryn tiri qalqan retinde paıdalanǵany úshin aıyptaǵannyń ornyna óz azamattaryn qorǵaıtyn demokratııalyq el Izraıldi kinálaǵan adam BUU-da qyzmet ete almaıdy jáne Izraılge kire almaıdy! - dep jazdy Izraıl SІM basshysy H áleýmettik jelisinde.

Kanadalyq Lınn Heıstıngs BUU ókili retinde Izraıldi Gaza sektoryndaǵy áreketteri úshin únemi synǵa aldy jáne Izraıldi HAMAS-pen qatar halyqaralyq quqyqty saqtaýǵa shaqyrdy.

Izraıldiń Heıstıngs vızasyn uzartpaý nıeti týraly BUU-ǵa habarlaǵanyn BUU Bas hatshysynyń baspasóz qyzmeti jýrnalısterge ótken aptada aıtty.