Izraıl BUU-ǵa BAPOR-men qarym-qatynasyn úzetinin resmı túrde habarlady

<p>ASTANA. KAZINFORM &ndash; Izraıl Birikken Ulttar Uıymyna 1967 jyldan beri qyzmet etip kele jatqan BUU-nyń palestınalyq bosqyndarǵa kómek kórsetetin negizgi uıymymen (BAPOR) qarym-qatynasyn retteıtin kelisimdi toqtatatynyn resmı túrde habarlady. Bul týraly dúısenbi kúni Izraıl Syrtqy ister mınıstrligi málimdedi, dep habarlaıdy <a href="https://www.inform.kz/ru/izrail-ofitsialno-proinformiroval-oon-oprekrashenii-otnosheniy-sbapor-ca98df" target="_blank" rel="noopener">Kazinform</a> agenttiginiń menshikti tilshisi.</p>

Syrtqy ister mınıstrliginiń bas dırektory ıAkob Blıtshteın dúısenbide BUU Bas Assambleıasynyń tóraǵasy Fılemon ıAngqa tıisti hat joldady.

«Izraıl halyqaralyq seriktestermen, sonyń ishinde BUU-nyń basqa agenttikterimen Gaza sektoryndaǵy beıbit turǵyndarǵa gýmanıtarlyq kómektiń Izraıldiń qaýipsizdigine nuqsan keltirmeıtindeı kórsetilýin qamtamasyz etý úshin jumysyn jalǵastyrady», - delingen hatta.

Ótken aptada Izraıl parlamenti BUU Taıaý Shyǵystaǵy palestınalyq bosqyndarǵa kómek jáne jumys jónindegi agenttiginiń (BAPOR, UNRWA) Izraılde jumys isteýine tyıym salatyn zań qabyldady. Zań Izraıl bıliginiń basyp alynǵan Batys jaǵalaý men Gaza sektoryndaǵy mıllıondaǵan palestınalyqqa kómek jáne bilim berý qyzmetterin usynatyn uıymmen yntymaqtasýyna jol bermeıdi. Ol sondaı-aq BAPOR-dyń Izraıl aýmaǵynda jumys isteýine tyıym salady. Zań úsh aıdan keıin kúshine enedi.

BUU men halyqaralyq qaýymdastyq zań jobasy Izraıl bir jyldan beri HAMAS sodyrlarymen soǵysyp jatqan Gaza sektoryndaǵy onsyz da aýyr gýmanıtarlyq jaǵdaıdy odan ári ýshyqtyratynyna alańdap otyr. Tyıym Palestına aýmaqtarynda nemese basqa jerdegi operatsııalarǵa salynǵan joq.

Izraıldiń áreketinen Gazada keminde 10 adam mert bolǵanyn jazǵan bolatynbyz.