Izraıl BUU Bas hatshysyn «persona non grata» dep jarııalady

<p>ASTANA. KAZINFORM &ndash; Izraıl Syrtqy ister mınıstri Israel Kats BUU bas hatshysy Antonıý Gýterrıshke evreı memleketine kirýge tyıym saldy. Sondaı-aq Izraıl syrtqy ister mınıstrliginiń basshysy Gýterrıshti Irannyń Izraılge jasaǵan shabýylyn aıyptamaǵany úshin &laquo;persona non grata&raquo; dep jarııalady, dep habarlady Izraıl SІM baspasóz qyzmeti.</p>

– Irannyń Izraılge jasaǵan qylmystyq shabýylyn aıyptaı almaıtyn kez kelgen adam Izraıl jerine aıaq basýǵa laıyq emes. Terrorısterdi, zorlaýshylardy jáne qanisherlerdi qoldaıtyn, Izraıldi jek kóretin Bas hatshy Gýterrısh Birikken Ulttar Uıymynyń tarıhyndaǵy daq retinde este qalady, - dep keltiredi Ynet portaly Katstyń sózin. 

Aıta keteıik, dúısenbide «Hezbolla» nysandaryna jasalǵan birneshe kúngi zymyran men bomba soqqylarynan keıin Izraıl armııasy Lıvannyń ońtústigindegi aýyldardaǵy toptar men nysandarǵa qarsy «shekteýli, lokalızatsııalanǵan jáne maqsatty jer reıdterin» ótkizýge nıetti ekenin aıtyp, Ońtústik Lıvanǵa kirdi. 

Lıvan premer-mınıstriniń mindetin atqarýshy Nadjıb Mıkatı eliniń «tarıhtaǵy eń qaýipti kezeńderdiń birin» bastan keshirip jatqanyn atap ótti. 

Buǵan deıin 1 qazan kúni keshke Iran Izraılge ballıstıkalyq zymyrandaryn ushyrǵanyn jazǵan edik.