Izraıl Beırýtke taǵy da soqqy jasady

<p>ASTANA. KAZINFORM - Senbige qaraǵan túni Lıvan astanasy Beırýt taǵy da Izraıl áýe kúshteriniń soqqysyna ushyrady. Bul týraly <a href="https://ru.euronews.com/2024/10/05/israel-strikes-syria-route" target="_blank" rel="noopener">Euronews</a> jazdy.</p>

Buǵan deıin Izraıl áskerıleri Lıvan astanasy Dahıeniń ońtústik aýdanynda Hezbolla nysanasy bolyp tabylatyn ǵımarattardyń janynda ornalasqan turǵyndardy dereý evakýatsııalaý týraly birneshe ret eskertý jasaǵan.

Sonymen birge «Hezbolla» Lıvanmen shekaralas aımaqta sodyrlary men Izraıl áskeri arasyndaǵy qaqtyǵys jalǵasyp jatqanyn aıtty.

«Izraıldiń jaý áskerleri Odaısse mýnıtsıpalıtetine qaraı áreketin qaıta bastady. «Hezbolla» jaýyngerleri bul áreketke toıtarys berdi, qaqtyǵystar jalǵasyp jatyr», - delingen lańkestik toptyń kommıýnıkesinde.

Hızbolla sonymen qatar Lıvannyń ońtústigindegi ıArýn aımaǵyndaǵy Izraıl áskerlerine «zymyranmen» jáne shekaranyń eki núktesinde «sarbazdardyń shoǵyrlanǵan jerine» soqqy bergenin aıtty.

TsAHAL málimetinshe, juma kúni Lıvannan Izraıl aýmaǵyna 200-den astam zymyran ushyryldy. Zardap shekkender týraly málimet joq.

Sonymen qatar, Reuters agenttigi lıvandyq BAQ-qa silteme jasaı otyryp, HAMAS-tyń qarýly qanaty «Al-Kassam» brıgadasynyń jetekshisi Saıd Atallanyń Izraıl shabýylynan Trıpolıde qaza tapqanyn habarlady. Ol palestınalyq bosqyndar lagerine jasalǵan soqqy kezinde otbasynyń úsh múshesimen birge qaza tapqan.

Izraıl buǵan deıin Beırýt ortalyǵyna soqqy jasaǵan bolatyn.

Eske salaıyq, Iran Izraılge zymyran ushyrdy. Iemen de Palestına men Lıvandy qoldap, Tel-Avıvtegi Izraıldiń áskerı nysanasyna shabýyl jasaý úshin ıAfa ushqyshsyz ushaǵyn paıdalandy.

Izraıl óz kezeginde Irannan kek alýǵa ýáde berdi.