Izraıl áýe kúshteri Gazadaǵy Associated Press pen Al Jazeera keńseleriniń ǵımaratyn joıdy

GAZA. ANADOLY – QazAqparat – Izraıldiń áskerı áýe kúshteri Gazadaǵy amerıkalyq Associated Press aqparattyq agenttigi men Katardyń Al Jazeera telearnasynyń keńseleri ornalasqan bıik ǵımaratqa áýe soqqysyn jasady, dep habarlaıdy QazAqparat «Anadoly» agenttigine silteme jasap.

Odan bólek, «Anadoly» agenttiginiń dereginshe, ǵımaratta medıtsınalyq pýnktter, advokattyq keńseler men kóptegen páterler bolǵan.

13 qabatty ǵımaratta Palestına anklavynyń birqatar aýdandaryn ınternetpen qamtıtyn munaralar ornatylǵan.

Gazadaǵy Al Jazeera tilshisi Vaıl Al-Dahdýh áýe soqqysy aldynda Izraıl qorǵanys áskeriniń (TsAHAL) ǵımaratty evakýatsııalaýǵa bir saǵat bergenin atap ótti.

10 mamyrda Gaza sektoryndaǵy palestınalyq qarsylyq toptary Izraıl polıtsııasynan Shyǵys Ierýsalımdegi basyp alynǵan ál-Aqsa meshitiniń aýmaǵy men Sheıh Djarrah kvartalynan jergilikti ýaqyt boıynsha 18:00-ge deıin ketýdi talap etti.

Izraıl polıtsııasy bul shartty oryndaýdan bas tartqan soń, palestındik toptar Izraılge qaraı zymyrandar ushyrdy. Osydan keıin Izraıl armııasy Gaza sektoryna qarsy «Qabyrǵalardy qorǵaýshy» dep atalatyn áskerı operatsııanyń bastalǵanyn habarlady.