Izraıl áskeriniń Rafahqa shabýyly: 45 adam qaza tapty

<p>ASTANA. KAZINFORM &ndash; Izraıl áskeri Gaza sektoryndaǵy Rafah qalasyna kezekti zymyrandyq shabýyl jasady. Saldarynan kem degende 45 adamnyń qaza tapqany habarlandy, dep jazady <a href="https://www.aljazeera.com/news/2024/5/27/dozens-killed-in-israeli-strike-on-rafah-following-hamas-rocket-attacks?traffic_source=KeepReading" target="_blank" rel="noopener">Aljazeera.</a></p>

HAMAS baqylaýyndaǵy Gaza Densaýlyq saqtaý mınıstrligi zymyrandyq shabýylda qaza tapqan 45 adamnyń 23-i áıelder men balalar ekenin jáne 249 palestınalyq jaralanǵanyn habarlady. Rafah gazalyqtardyń jan saqtaıtyn aımaqtaǵy sońǵy qalasy edi. Bul qala negizinen bosqyndar lagerleri men palatkalardan turady.

Bosqyndar lageriniń aýmaǵyna ızraıldik zymyran kelip túsken. TsAHAL ony zańdy nysana dep atady jáne soqqy jasalǵan nysan HAMAS-qa tıesili ekenine senim bildirdi.

«Shabýyl halyqaralyq quqyqqa sáıkes, qajetti barlaý málimetterine súıene otyryp, naqty baǵyttalǵan oq-dárilerdiń kómegimen jasaldy. Bul aýmaqty HAMAS qoldanatyny anyq», – delingen TsAHAL málimdemesinde.

Kýágerlerdiń aıtýynsha, jeksenbi kúni jergilikti ýaqyt boıynsha saǵat 20:45 shamasynda lager aýmaǵyna keminde segiz zymyran túsken. Wafa news agenttigi Palestınanyń Qyzyl Jarty Aı uıymyna silteme jasap, qurbandardyń kópshiligi Tal ál-Sultan aımaǵyndaǵy shatyrlarda tirideı órtenip ketkenin jazdy.