Izraıl armııasy Lıvannyń ońtústiginde 800 metrlik «Hezbolla» býnkerin tapty

<p>TELЬ-AVIV. KAZINFORM &ndash; Izraıl áskeri Lıvannyń ońtústiginde Hezbolla qozǵalysynyń Radvan arnaıy kúshteriniń shtab-páteri ornalasqan jáne Izraılge basyp kirý úshin daıyndalǵan qarý-jaraq, oq-dáriler men mototsıklder saqtalǵan uzyndyǵy 800 metrlik jer asty bekinisin tapty. Bul týraly Izraıl qorǵanys kúshteriniń (TsAHAL) baspasóz qyzmeti habarlady, dep jazady <a href="https://tass.ru/mezhdunarodnaya-panorama/22119819" target="_blank" rel="noopener">TASS</a>.</p>

— Lıvannyń ońtústiginde sarbazdar «Hezbolla» uıymynyń Radýan kúshteriniń basqarý ortalyǵy ornalasqan 800 metrlik jerasty bekinisin tapty. Jer astyndaǵy nysannyń ishinen zymyrandar, mınomet snarıadtary, mototsıklder, uzaq ýaqyt boıy turýǵa arnalǵan, ishinde as úı, azyq-túlik pen kerek-jaraqtarmen qamtamasyz etilgen turǵyn úı-jaılardy tapty, — delingen habarlamada.

Izraıl áskerıleriniń pikirinshe, «Hezbolla» bul qarý-jaraq býnkerin Izraılge basyp kirý josparynyń bir bóligi bolǵan».

Izraıl armııasynyń ókili Danıel Hagarı «Hezbolla» arnaıy kúshteriniń qarýly radıkaldary «bir-eki kún buryn» býnkerde bolǵanyn aıtty. 

— Olar mototsıklderdi paıdalanyp, Kırıat Shmonaǵa, Iıftahqa (Izraıldiń soltústigindegi eldi mekender), Izraıl aýmaǵyndaǵy aýyldar men pozıtsııalarǵa enip, qyrǵyn jasaýdy josparlaǵan, – dep qosty ol.

Baspasóz qyzmeti «býnkerge maqsatty reıd kezinde terrorlarmen kezdeskenin» atap ótti, olar Izraıl áýe kúshteriniń qoldaýymen joıylǵan. 

— Áskerler aımaqta áreket etýdi jalǵastyryp jatyr jáne jerasty jolyn zertteýde, — dep qosty vedomstvo.