Izraıl armııasy Gazadaǵy qurlyq operatsııalaryna daıyndyqty aıaqtady

<p>Izraıl armııasy Gaza sektoryndaǵy qurlyq operatsııasyna daıyndyqty aıaqtady, buǵan áskerlerdiń qozǵalysy men ornalasýy dálel. Bul týraly Izraıldiń memlekettik qoǵamdyq telearnasy KAN málim etti, dep habarlaıdy <a href="Kazinform." target="_blank" rel="noopener">Kazinform</a> <a href="https://www.aa.com.tr/ru/%D0%BC%D0%B8%D1%80/%D1%81%D0%BC%D0%B8-%D0%B0%D1%80%D0%BC%D0%B8%D1%8F-%D0%B7%D0%B0%D0%B2%D0%B5%D1%80%D1%88%D0%B8%D0%BB%D0%B0-%D0%BF%D0%BE%D0%B4%D0%B3%D0%BE%D1%82%D0%BE%D0%B2%D0%BA%D1%83-%D0%BA-%D0%BD%D0%B0%D0%B7%D0%B5%D0%BC%D0%BD%D0%BE%D0%B9-%D0%BE%D0%BF%D0%B5%D1%80%D0%B0%D1%86%D0%B8%D0%B8-%D0%B2-%D0%B3%D0%B0%D0%B7%D0%B5-/3025615" target="_blank" rel="noopener">Anadolyǵa</a> silteme jasap.&nbsp;</p>

Habarlamaǵa sáıkes, úsh kúnnen beri Gaza sektory men Izraıl arasyndaǵy shekaralyq aımaqta Izraıl áskerıleri men palestınalyq qarýly toptar arasynda qaqtyǵys tirkelmegen. 

Telearna atap ótkendeı, jerdegi operatsııa «evreı eldi-mekenderin qarýly palestınalyqtardan tazartqannan keıingi soǵystyń ekinshi kezeńi» bolmaq. 

7 qazan kúni tańerteń HAMAS-tyń áskerı qanaty – «Izz ad-Dın ál-Kassam» brıgadasy «Ál-Aqsa» operatsııasynyń bastalǵanyn habarlady. Gaza sektorynan Izraılge qaraı myńdaǵan zymyran atylyp, qarýly toptar eldi mekenderge kirdi.

HAMAS bul operatsııanyń basyp alynǵan Shyǵys Ierýsalımdegi «Ál-Aqsa» meshitine jasalǵan shabýyl men Izraılge qonystanýshylardyń palestınalyqtarǵa zorlyq-zombylyǵynyń kúsheıýine jaýaby ekenin aıtty. 
Buǵan qarymta soqqy retinde Izraıl armııasy da ondaǵan joıǵysh ushaqty paıdalanyp, Gaza sektorynda HAMAS-qa qarsy «Temir qylysh» operatsııasyn bastaǵanyn habarlady.

Izraıldiń «Ál-Ahlı» aýrýhanasyna jasaǵan soqqysynan 500 adam qaza tapty.

Izraıl-Palestına qaqtyǵysy ýshyǵa bastaǵannan beri 3 478 palestınalyq pen 1 300 ızraıldik, sondaı-aq 13 jýrnalıst kóz jumdy. 

Eske salaıyq, 7 qazan kúni Palestınadaǵy HAMAS toby Izraılge shabýyl jasap, elder soǵys jaǵdaıyna kóshken bolatyn.