Izraıl armııasy DDU konvoıyna oq jaýdyrdy

<p>ASTANA. KAZINFORM &ndash; Izraıl qorǵanys kúshteriniń eki tanki Gaza sektorynda Dúnıejúzilik densaýlyq saqtaý uıymy basqarǵan konvoıǵa shabýyl jasady. Bul týraly DDU basshysy Tedros Adanom Gebreısýs <a href="https://x.com/DrTedros/status/1836117352951202189?t=nrhXF1_ccJKiRZA3FfGGmw&amp;s=19" target="_blank" rel="noopener">áleýmettik jelidegi</a> paraqshasynda habarlady.</p>

Onyń aıtýynsha, oqıǵa 14 qyrkúıekte DDU konvoıy Gaza sektorynyń soltústigindegi mıssııadan qaıtyp kele jatqanda bolǵan. Kólikter ruqsat alǵannan keıin baqylaý-ótkizý pýnktinen ótkende Izraıl tankterine tap bolǵan.

– Kolonna mańynda tankter oq jaýdyrdy. Abyroı bolǵanda, eshkim zardap shekken joq. Bul qabyldaı almaıtyn jaǵdaı, – dep jazdy Gebreısýs.

Qosa keteıik, DDU Gazadaǵy eń úlken aýrýhana qorymǵa aınalǵanyn aıtqan bolatyn.

Sondaı-aq Izraıldiń Gaza sektoryndaǵy mektepke jasaǵan soqqysynan 18 adam, onyń ishinde 6 BUU qyzmetkeri qaza tapqanyn jazdyq.