Izraıl álemde birinshi bolyp koronavırýsqa qarsy oqýlar ótkizedi

TELЬ-AVIV. QazAqparat - Izraıl álemde koronavırýs ınfektsııasynyń taralýyna qarsy kúre boıynsha ulttyq oqýlar júrgizetin birinshi el bolmaq, dep habarlaıdy QazAqparat Times of Israel-ǵa silteme jasap.

Ulttyq oqýlar búgin eldiń premer-mınıstri Naftalı Bennetiń basshylyǵymen ótkiziledi. Ierýsalımdegi jedel shtabta ótetin oqýlar kezinde túrli joǵary ókiletti sheneýnikter men organdar oqýlar barysynda «Omega» ataýyna ıe bolǵan COVID-tiń jańa shtamyna daıyndyq úshin áreketter men daıarlyǵyn kórsetedi.
Oqýlarǵa qatysatyn ókiletti tulǵalar kóptegen stsenarıılerge tap bolyp, qozǵalysty shekteý, karantın, áýe tasymaly jáne t.b kóptegen jaǵdaılarǵa baılanysty sheshimder shyǵarady.
Premer-Mınıstr Bennet Izraıldiń koronavırýs ınfektsııasynyń tórtinshi tolqyny men «delta» nusqasyn jeńe alǵanyn málimdedi. Onyń aıtýynsha, el árqashan bolashaqqa týra qarap, koronavırýsqa qarsy naýqannyń jalǵasýyna daıyndalyp jatyr.
Ol Izraıl úkimeti men densaýlyq saqtaý organdarynyń ókilderi osymen tynyshtalmaı, kerisinshe, koronavırýs ınfektsııasyna daıyn bolýyn jalǵastyratynyn atap ótti.
Izraıldiń Densaýlyq saqtaý mınıstrligi sársenbi kúni jarııalaǵan málimetke sáıkes, Izraılde COVID-19 belsendi oqıǵalarynyń sany 6450-ge deıin tómendegen.