Izraıl AQSh-tyń ustanymyna qaramastan, Beırýt mańyndaǵy eldi mekenderge soqqy berdi

<p>ASTANA.KAZINFORM - Izraıl avıatsııasy sársenbi kúni tańerteń Beırýttyń ońtústik mańyna soqqy berdi. Bul AQSh-tyń Lıvan astanasy boıynsha Izraıl shabýylynyń aýqymyna qarsy málimdemesinen keıin oryn aldy.&nbsp;</p>

«Hezbolla» bekinisi dep belgili Beırýttyń Ońtústik mańyndaǵy Dahıe aýdanyna áýe shabýyly Izraıl sársenbi kúni tańerteń evakýatsııalaý týraly buıryq bergennen keıin jasaldy. 

Izraıl áskerı kúshteri sońǵy aptalarda Beırýttyń Ońtústik mańyna aldyn-ala eskertýsiz soqqy berip, aýqymdy shabýyl jasady.

Izraıl sársenbi kúni Beırýttyń ońtústigindegi Dahıe mańynda áýe shabýylyn jasaǵanyn rastady.

Izraıl qorǵanys kúshteri málimdemesinde Izraıl áýe kúshteriniń barlaý qyzmetkerleri basqarǵan joıǵysh ushaqtary «Hezbollanyń» Dahıedegi jerasty qarý qoımasyna soqqy bergeni aıtylǵan. 

Izraıl áskerıleri shabýyldan buryn beıbit turǵyndardyń qaza bolýyn boldyrmaý, sonyń ishinde aımaqtan evakýatsııalaýǵa buıryq berý úshin sharalar qabyldanǵanyn atap ótedi.

Buǵan deıin AQSh Lıvan astanasyna jasalǵan aýqymdy shabýyldarǵa qarsy ekenin aıtqan bolatyn.

Izraıl ótken aptanyń sońynan beri Lıvan astanasynyń ońtústik mańyndaǵy eldi mekenderge soqqy jasamady, degenmen buǵan deıin birneshe apta boıy ár túnde Dahın aımaǵyna soqqy jasap, ǵımarattardy qıratyp, ondaǵan adamdy óltirdi.